حیدرآباد، 13 اپریل تلنگانہ کے وقار آباد ضلع میں پیر کی صبح دو الگ الگ سڑک حادثات میں چار افراد ہلاک ہو گئے۔ ہلاک ہونے والوں میں ایک ہی خاندان کے تین افراد اور ایک پولیس جوان شامل ہیں۔

پولیس کے مطابق پہلا حادثہ پیدامل منڈل میں تھاٹی پلی کے قریب پیش آیا۔ ایک جوڑا اپنے چھوٹے بچے کے ساتھ تندور سے زہیر آباد کی طرف دو پہیہ گاڑی پر جا رہا تھا۔ اسی دوران ایک تیز رفتار لاری نے ان کی گاڑی کو ٹکر مار دی۔ ٹکر کا اثر اتنا شدید تھا کہ جوڑے اور بچے کی موقع پر ہی موت ہو گئی۔

واقعے کے بعد ٹرک ڈرائیور موقع سے فرار نہیں ہوا بلکہ گاڑی کے ساتھ پیدامل پولیس اسٹیشن میں سرینڈر کر دیے۔ پولیس نے معاملے کی تحقیقات شروع کر دی ہیں۔

دوسرا واقعہ یلال منڈل کے لکشمی نارائن پور گاو¿ں میں ایک زیر تعمیر پل کے قریب پیش آیا۔ تلنگانہ کے ایک پولیس اہلکار کی یہاں ایک گڑھے میں گرنے سے موت ہو گئی۔ بتایا جا رہا ہے کہ جس دو پہیہ گاڑی پر وہ سوار تھے وہ اچانک بے قابو ہو کر گر گئی۔

جاں بحق ہونے والے کی شناخت نرسمھالو (30) کے طور پر ہوئی ہے، جو ڈیوٹی کے لیے حیدرآباد جا رہا تھا۔ پولیس نے تعزیرات ہند کی دفعہ 106 کے تحت مقدمہ درج کیا ہے۔

دونوں واقعات کے بعد علاقے میں غم و غصے کی لہر دوڑ گئی ہے اور پولیس حادثات کی وجوہات کی مکمل تحقیقات کر رہی ہے۔

---------------

ہندوستان سماچار / عبدالسلام صدیقی