نئی دہلی، 13 اپریل (ہ س)۔ گھریلو شیئر بازار میں آج ابتدائی کاروبار کے دوران دباو نظر آ رہا ہے۔ آج کے کاروبار کی شروعات تقریباً 2 فیصد کی بڑی گراوٹ کے ساتھ ہوئی تھی۔ بازار کھلتے ہی سینسیکس اور نفٹی دونوں انڈیکس کی کمزوری تھوڑی اور بڑھی۔ حالانکہ تھوڑی دیر بعد ہی خریداروں نے خریداری شروع کر دی، جس سے دونوں انڈیکس کی صورتحال میں سدھار ہونے لگا۔ اس خریداری کے باوجود سینسیکس اور نفٹی کی پوزیشن میں بہت زیادہ سدھار نہیں ہو سکا ہے۔ صبح 10 بجے تک کا کاروبار ہونے کے بعد سینسیکس 1.65 فیصد اور نفٹی 1.64 فیصد کی گراوٹ کے ساتھ کاروبار کر رہے تھے۔

آج صبح 10 بجے تک کا کاروبار ہونے کے بعد شیئر بازار کے سرکردہ شیئروں میں سے ایشین پینٹس، آئشر موٹرز، آئی سی آئی سی آئی بینک، شری رام فائنانس اور بجاج آٹو کے شیئر 4.01 فیصد سے لے کر 3.12 فیصد کی مضبوطی کے ساتھ کاروبار کر رہے تھے۔ دوسری جانب، کول انڈیا، سن فارماسیوٹیکلز، انفوسس، ٹی سی ایس اور ٹیک مہندرا کے شیئر 4.40 فیصد سے لے کر 1.46 فیصد کی گراوٹ کے ساتھ کاروبار کرتے ہوئے نظر آ رہے تھے۔

ابھی تک کے کاروبار میں شیئر بازار میں 2,793 شیئروں میں ایکٹیو ٹریڈنگ ہو رہی تھی۔ ان میں سے 508 شیئر منافع کما کر سبز نشان میں کاروبار کر رہے تھے، جبکہ 2,285 شیئر نقصان اٹھا کر سرخ نشان میں کاروبار کر رہے تھے۔ اسی طرح سینسیکس میں شامل 30 شیئروں میں سے صرف ایک شیئر خریداری کی حمایت سے سبز نشان میں تھا۔ دوسری جانب 29 شیئر فروخت کے دباو میں سرخ نشان میں کاروبار کر رہے تھے۔ جبکہ نفٹی میں شامل 50 شیئروں میں سے آٹھ شیئر سبز نشان میں اور 42 شیئر سرخ نشان میں کاروبار کرتے نظر آ رہے تھے۔

بامبے اسٹاک ایکسچینج (بی ایس ای) کا سینسیکس آج 1,613.09 پوائنٹس کی کمزوری کے ساتھ 75,937.16 پوائنٹس کی سطح پر کھلا۔ کاروبار کی شروعات ہوتے ہی فروخت کے دباو میں یہ انڈیکس گر کر 75,868.32 پوائنٹس کی سطح تک چلا گیا۔ تھوڑی دیر بعد ہی خریداروں نے خریداری کا زور بنا دیا، جس سے اس انڈیکس کی چال میں سدھار ہونے لگا۔ بازار میں مسلسل جاری خرید و فروخت کے درمیان صبح 10 بجے تک کا کاروبار ہونے کے بعد سینسیکس 1,281.51 پوائنٹس کی گراوٹ کے ساتھ 76,268.74 پوائنٹس کی سطح پر کاروبار کر رہا تھا۔

سینسیکس کی طرح ہی این ایس ای کے نفٹی نے آج 461 پوائنٹس ٹوٹ کر 23,589.60 پوائنٹس کی سطح سے کاروبار کی شروعات کی۔ بازار کھلتے ہی فروخت کا دباو بننے کے باعث یہ انڈیکس گر کر 23,555.60 پوائنٹس کی سطح تک آ گیا۔ اس کے بعد خریداروں نے خریداری شروع کر دی، جس سے اس انڈیکس کی صورتحال میں سدھار ہونے لگا۔ بازار میں مسلسل جاری خرید و فروخت کے درمیان صبح 10 بجے تک کا کاروبار ہونے کے بعد نفٹی 396.10 پوائنٹس کی گراوٹ کے ساتھ 23,654.50 پوائنٹس کی سطح پر کاروبار کر رہا تھا۔

ہندوستھان سماچار

---------------

ہندوستان سماچار / انظر حسن