نئی دہلی، 13 اپریل (ہ س)۔ امریکہ اور اسرائیل کے درمیان امن مذاکرات ناکام ہونے کی وجہ سے گلوبل مارکیٹ سے آج کمزوری کے اشارے مل رہے ہیں۔ حالانکہ گزشتہ کاروباری دن یعنی جمعہ کو امریکی اور یورپی بازار ملے جلے نتائج کے ساتھ بند ہوئے تھے۔ لیکن اب امن مذاکرات ناکام ہونے کی وجہ سے گلوبل مارکیٹ میں دباو بن گیا ہے۔ ڈاو جونز فیوچرز بڑی گراوٹ کے ساتھ کاروبار کرتا ہوا نظر آرہا ہے۔ اسی طرح ایشیائی بازار میں بھی آج عام طور پر فروخت کا دباو بنا ہوا ہے۔

مغربی ایشیا میں جاری تناو کو ختم کرنے کے لیے پاکستان میں ہونے والے امن مذاکرات کو لے کر برقرار سسپنس کے درمیان امریکی بازار میں گزشتہ سیشن کے دوران محدود دائرے میں کاروبار ہوتا رہا۔ ایس اینڈ پی 500 انڈیکس گزشتہ سیشن کے دوران 0.11 فیصد کی کمزوری کے ساتھ 6,816.89 پوائنٹس کی سطح پر بند ہوا تھا۔ اس کے برعکس نیس ڈیک نے 0.35 فیصد کی تیزی کے ساتھ 22,902.89 پوائنٹس کی سطح پر گزشتہ سیشن کے کاروبار کا اختتام کیا تھا۔ حالانکہ اب امن مذاکرات کے ناکام ہوانے کے بعد ڈاو جونز فیوچرز بڑی گراوٹ کا شکار ہو گیا ہے۔ فی الحال یہ انڈیکس 344.57 پوائنٹس یعنی 0.72 فیصد ٹوٹ کر 47,570 پوائنٹس کی سطح پر کاروبار کرتا ہوا نظر آرہا ہے۔

امریکی بازار کی طرح ہی یورپی بازار میں بھی گزشتہ سیشن کے دوران ملا جلا کاروبار ہوتا رہا۔ ایف ٹی ایس ای انڈیکس 0.03 فیصد کی معمولی کمزوری کے ساتھ 10,600.53 پوائنٹس کی سطح پر بند ہوا۔ اسی طرح ڈی اے ایکس انڈیکس نے 0.01 فیصد کی علامتی گراوٹ کے ساتھ 23,803.95 پوائنٹس کی سطح پر گزشتہ سیشن کے کاروبار کا اختتام کیا۔ دوسری جانب، سی اے سی انڈیکس 0.17 فیصد کی سبقت کے ساتھ 8,259.60 پوائنٹس کی سطح پر بند ہوا۔

مغربی ایشیا میں جاری تناو کو ختم کرنے کے لیے پاکستان میں ہوئے امن مذاکرات کے ناکام ہو جانے کی وجہ سے ایشیائی بازار میں بھی آج عام طور پر فروخت کا دباو برقرار ہے۔ ایشیا کے نو بازاروں میں سے سات کے انڈیکس گراوٹ کے ساتھ سرخ نشان میں کاروبار کر رہے ہیں، جبکہ ایک انڈیکس معمولی سبقت کے ساتھ سبز نشان میں بنا ہوا ہے۔ تھائی لینڈ اسٹاک ایکسچینج میں چھٹی ہونے کی وجہ سے سیٹ کمپوزٹ انڈیکس میں آج کوئی ہلچل نہیں ہو رہی ہے۔ ایشیائی بازار میں اکلوتا تائیوان ویٹیڈ انڈیکس آج فی الحال 0.03 فیصد کی معمولی سبقت کے ساتھ 35,428.05 پوائنٹس کی سطح پر کاروبار کر رہا ہے۔

دوسری جانب، گفٹ نفٹی 442.50 پوائنٹس یعنی 1.84 فیصد کی بڑی گراوٹ کے ساتھ 23,649 پوائنٹس کی سطح پر آگیا ہے۔ اسی طرح کوسپی انڈیکس 74.50 پوائنٹس یعنی 1.27 فیصد کی کمزوری کے ساتھ 5,784.37 پوائنٹس کی سطح تک گر گیا ہے۔ نکیئی انڈیکس میں بھی آج بڑی گراوٹ نظر آرہی ہے۔ فی الحال یہ انڈیکس 594.11 پوائنٹس یعنی 1.04 فیصد پھسل کر 56,330 پوائنٹس کی سطح تک آگیا ہے۔

اسی طرح ہینگ سینگ انڈیکس 261.54 پوائنٹس یعنی 1.01 فیصد لڑھک کر 25,632 پوائنٹس کی سطح تک گر گیا ہے۔ اس کے علاوہ اسٹریٹس ٹائمز انڈیکس 0.39 فیصد کی کمزوری کے ساتھ 4,969.78 پوائنٹس کی سطح پر، شنگھائی کمپوزٹ انڈیکس 0.17 فیصد کی گراوٹ کے ساتھ 3,979.26 پوائنٹس کی سطح پر اور جکارتہ کمپوزٹ انڈیکس 0.07 فیصد ٹوٹ کر 7,453.13 پوائنٹس کی سطح پر کاروبار کر رہے ہیں۔

ہندوستھان سماچار

---------------

ہندوستان سماچار / انظر حسن