سلمان خان ایک بار پھر اپنی سوشل میڈیا پوسٹ کو لے کر خبروں میں ہیں۔ اس بار کسی فلم کے لیے نہیں بلکہ اننت امبانی کو ان کی 30ویں سالگرہ پر ایک خاص انداز میں مبارکباد دینے کے لیے۔ اداکار کی یہ پوسٹ سوشل میڈیا پر تیزی سے وائرل ہو رہی ہے اور مداحوں کی جانب سے اسے بے حد سراہا جا رہا ہے۔

سلمان خان نے اپنے انسٹاگرام اکاو¿نٹ پر اننت امبانی کے ساتھ ایک تصویر شیئر کی، جس میں انہیں ان کے ساتھ کھیلتے ہوئے اوروقت گزارتے دیکھا جا سکتا ہے۔ اس نے اس کا کیپشن دیا، اگر آپ کی یادداشت کمزور ہے تو اسے لکھ لیں... یہ شخص ملک کو سربلند کرے گا... میرے چھوٹے بھائی اننت زندہ باد... دل و دماغ کے امبانی، پاک روح۔ ایک دن قبل سلمان نے انہیں سالگرہ کی مبارکباد دیتے ہوئے انہیں سب سے بے لوث اور مہربان شخص قرار دیا تھا۔

دریں اثنا، اننت امبانی کی سالگرہ جام نگر میں شاندار طریقے سے منائی جا رہی ہے، جہاں نیتا امبانی اور مکیش امبانی نے ایک خصوصی تقریب کی میزبانی کی۔ اس تقریب میں شاہ رخ خان، رنویر سنگھ، اننیا پانڈے، شنایا کپور، اگستیہ نندا، بونی کپور، گوری خان اور رام چرن سمیت کئی مشہور شخصیات نے شرکت کی۔ عظیم الشان جشن کی تصاویر اور ویڈیوز سوشل میڈیا پر تیزی سے وائرل ہو رہی ہیں، جس میں واضح طور پر ستاروں سے بھری موجودگی اور جشن کے شاندار ماحول کو دکھایا گیا ہے۔

---------------

ہندوستان سماچار / عبدالسلام صدیقی