سرینگر، یکم (ہ س)۔سرینگر کے ٹیولپ گارڈن میں پہلے 15 دنوں میں 1,77,869 سیاحوں کی آمد ریکارڈ کی گئی ہے، حکام کا کہنا ہے کہ حتمی تعداد زیادہ ہونے کا امکان ہے کیونکہ آن لائن ٹکٹنگ ڈیٹا کو شامل نہیں کیا گیا ہے۔ اسسٹنٹ فلوریکلچر آفیسر انچارج ٹیولپ گارڈن سری نگر عمران احمد نے بتایا کہ موجودہ اعداد و شمار دستیاب آف لائن ٹکٹوں کے ریکارڈ پر مبنی ہیں۔پہلے 15 دنوں میں تعداد 1,77,869 ہے۔ اس میں آن لائن ٹکٹنگ ڈیٹا شامل نہیں ہے، جو باغ بند ہونے کے بعد مرتب کیا جائے گا۔احمد نے کہا کہ باغ میں آنے والوں میں مقامی، ملکی سیاح اور غیر ملکی سیاح شامل ہیں، حالانکہ اس بار ان کی الگ گنتی دستیاب نہیں تھی۔ حکام نے کہا کہ باغ میں سیاحوں کی تعداد میں مسلسل اضافہ دیکھا جا رہا ہے اورآنے والے دنوں میں مزید اضافے کی توقع ہے کیونکہ پھول اپنے عروج پر پہنچ جائے گا۔ زبرون رینج کے دامن میں واقع ڈل جھیل کے کنارے پرایشیا کا سب سے بڑا ٹیولپ گارڈن میں اس سال ٹیولپس کی تقریباً 70-75 اقسام کو پیش کیا گیا ہے اور یہ جموں و کشمیر کے موسم بہار کے سیاحتی موسم کی ایک بڑی خاص بات ہے۔ہندوستھان سماچار

ہندوستان سماچار / Aftab Ahmad Mir