دیہی سطح تک پہنچے گی انصاف کی سہولت، ہر پنچایت میں قائم ہوں گے لیگل ایڈ کلینک

علی گڑھ، یکم اپریل (ہ س)۔ ضلع میں عام لوگوں کو آسان، فوری اور مفت قانونی امداد فراہم کرنے کے مقصد سے ضلع قانونی خدمات اتھارٹی کی جانب سے گرام نیائے سہایتا ابھیان کے تحت ہر منتخب گرام پنچایت میں لیگل ایڈ کلینک کے قیام اور ان کے مؤثر انتظام کی کارروائی کو تیز کر دیا گیا ہے۔ انچارج سکریٹری ضلع قانونی خدمات اتھارٹی انکیت راج سنگھ نے بتایا کہ اتر پردیش اسٹیٹ لیگل سروسز اتھارٹی، لکھنؤ کی ہدایات کے مطابق ضلع کی تمام تحصیلوں سے ہر ایک میں 5-5 گرام پنچایتوں کا انتخاب کیا گیا ہے، جہاں لیگل ایڈ کلینک قائم کیے جائیں گے۔ ان کلینکس کے ذریعے دیہی عوام کو مفت قانونی مشورہ، تنازعات کے حل اور عدالتی معاونت فراہم کی جائے گی۔

اس اہم پہل کے تحت تحصیل کول کے گاؤں گودھا، پینجری نگری، بُندھانسی، گوپی اور نرّاؤ؛ اترولی کے جیرولی، ہردوئی، لہرا سلیم پور، کاظم آباد اور بجولی؛ گبھانا کے برولی، گبھانا، کلوا، چنڈوس اور پسوا؛ اگلاس کے کیماولی، کیمتھل، نگلا کلوا بیلوٹھ، کلیجری اور کاڈلی؛ اور تحصیل خیر کے ٹپّل، سمرؤٹھی، راجپور، گومت اور لوہاگڑھ میں ل یگل ایڈ کلینکس قائم کیے جائیں گے۔

ہندوستھان سماچار

---------------

ہندوستان سماچار / سید کامران علی گڑھ