کشن گنج، یکم اپریل (ہ س)۔

پوا خالی تھانہ پولیس نے خفیہ اطلاع کی بنیاد پر کارروائی کرتے ہوئے مویشیوں کی غیر قانونی اسمگلنگ کی کوشش کو ناکام بنا دیا۔ بدھ کے روز تھانہ انچارج انکت سنگھ کی قیادت میں پولیس ٹیم نے ایک ڈی سی ایم گاڑی کو ضبط کرکے اس میں لدے 28 مویشیوں کو برآمد کیا۔ پولیس کی معلومات کے مطابق پوا خالی تھانہ علاقے میں ڈی سی ایم گاڑی میں غیر قانونی مویشیوں کی اسمگلنگ کی اطلاع ملی تھی۔ اطلاع ملنے پر پولیس ٹیم نے گاڑی کو گھیرے میں لے لیا، مشکوک گاڑی کو روک کر تلاشی لی۔ تلاشی کے دوران گاڑی کے اندر سے 28 مویشی انتہائی افسوسناک حالت میں پائے گئے۔ برآمد مویشیوں میں 13 گائیں اور 15 بچھڑے شامل ہیں۔ پولیس نے جائے وقوعہ پر گاڑی کو قبضے میں لے لیا اور ڈرائیور سریش مہتو اورخلاصی محمد سہیل کو حراست میں لے لیا۔ پوچھ گچھ کے دوران دونوں نے بتایا کہ ان کا گھر مغربی بنگال کے سلی گوڑی میں ہیں۔پواخالی تھانہ انچارج انکت سنگھ نے بتایا کہ اس معاملے میں فرسٹ انفارمیشن رپورٹ (ایف آئی آر) درج کی گئی ہے۔ مقدمہ نمبر 47/26 کے تحت درج کرکے مزید کارروائی جاری ہے۔ پولیس مویشیوں کو محفوظ جگہ پر رکھنے کے انتظامات کر رہی ہے اور اسمگلنگ میں ملوث دیگر افراد کی شناخت کے لیے کام کر رہی ہے۔ہندوستھان سماچار

ہندوستان سماچار / Mohammad Afzal Hassan