علی گڑھ, 31 مارچ (ہ س)علی گڑھ میں گزشتہ ایک سال سے کانگریس ورکر اورعلاقائی کارکن شیوا شرما کی جانب سے چھرّا اڈہ پل کے اطراف نیچے اترنے والی خستہ حال اور ٹوٹی ہوئی سیڑھیوں کے مسئلے کو اجاگر کیا جا رہا تھا، جس پر سابق رکن اسمبلی وویک بنسل نے سنجیدگی سے اقدام کرتے ہوئے مرمتی کام کے لیے مسلسل کوششیں کیں۔

وویک بنسل نے متعدد مرتبہ ریلوے حکام سے ملاقات کر کے اس اہم مسئلے کی طرف توجہ دلائی اور موقع پر جا کر پل کی سیڑھیوں، ٹوٹی ہوئی ریلنگ اور دیگر خستہ حصوں کا معائنہ بھی کیا۔ ان کی مسلسل جدوجہد کے نتیجے میں اب چھرّا اڈہ پل کی مرمت اور تزئین و آرائش کا کام باضابطہ طور پر شروع ہو گیا ہے۔

آج وویک بنسل اپنے ساتھیوں کے ہمراہ موقع پر پہنچے اور جاری کام کا جائزہ لیا۔ انہوں نے وہاں موجود عملے کو ہدایت دی کہ ٹوٹی ہوئی سیڑھیوں کو جدید اور مضبوط طریقے سے دوبارہ تعمیر کیا جائے تاکہ عوام کو سہولت فراہم ہو سکے۔

اس موقع پر شیوا شرما کے علاوہ انوراگ گپتا، پنکج گپتا، وشال گپتا، نوین کمار شرما، ہمانشو اگروال، راہل اور برجیش شرما سمیت دیگر افراد بھی موجود تھے۔

---------------

ہندوستان سماچار / سید کامران علی گڑھ