بریلی، 31 مارچ (ہ س)۔ بریلی، اترپردیش میں انسداد منشیات ٹاسک فورس (اے این ٹی ایف) یونٹ نے منشیات کی غیر قانونی اسمگلنگ میں ملوث ایک باپ اور اس کے دو بیٹوں کو گرفتار کرکے ایک بڑی کامیابی حاصل کی ہے۔ پولیس نے 1,750 کلو گرام ہیروئن، اسمیک بنانے میں استعمال ہونے والی 950 گرام ڈائی، تین موبائل فونز اور 87ہزار520 روپے نقد برآمد کیے۔ برآمد شدہ سامان کی تخمینہ قیمت تقریباً 3.50 کروڑ روپے بتائی گئی ہے۔

گرفتار ملزمان کی شناخت پرمانند عرف پپو کے طور پر ہوئی ہے جو بدایوںضلع کے بنور تھانہ علاقہ کے بھگوان پور گاو¿ں کے رہنے والے ہیں اور اس کے بیٹوں یشویر اور رویندر ہیں۔ ان تینوں کو 30 مارچ کی رات بھمورا تھانہ علاقے میں دیوچرا-داتا گنج روڈ پر تخت پور موڑ کے قریب سے گرفتار کیا گیا تھا۔

اے این ٹی ایف کے مطابق، یہ کارروائی انسپکٹر جنرل آف پولیس، اے این ٹی ایف، لکھنو¿ کی قیادت میں، ڈائرکٹر جنرل آف پولیس، اتر پردیش، ایڈیشنل ڈائرکٹر جنرل آف پولیس، لاءاینڈ آرڈر، اور ایڈیشنل ڈائرکٹر جنرل آف پولیس، کرائم کی ہدایت پر کی گئی۔ بریلی یونٹ کو اطلاع ملی کہ کچھ اسمگلر بڑی مقدار میںا سمیک اور ہیروئن سپلائی کرنے کا منصوبہ بنا رہے ہیں۔ جس کے بعد ٹیم نے جال بچھا کر تینوں ملزمان کو گرفتار کر لیا۔

پوچھ گچھ کے دوران مرکزی ملزم پرمانند نے پولیس کو بتایا کہ اس کے والد کے پاس پہلے افیون کی کاشت کا لائسنس تھا۔ اس دوران اس نے خام افیون سے افیون اور خام افیون سے ا سمیک بنانے کا طریقہ سیکھا۔ اس نے بتایا کہ وہ 2012 سے اسمیک بنا کر بیچ رہا تھا اور اسے دہلی اور آس پاس کے اضلاع میں سپلائی کر رہا تھا۔

پولیس کے مطابق پرمانند اس سے قبل ا سمیک کی اسمگلنگ کے الزام میں دو بار دہلی اور ایک بار بریلی سے جیل جا چکا ہے۔ اس کے دو بیٹے یشویر اور رویندر نے بھی اس غیر قانونی تجارت میں اس کی مدد کی۔ اس بار تینوں ملزمان ہیروئن اورا سمیک سپلائی کرنے کی منصوبہ بندی کر رہے تھے لیکن پولیس نے انہیں ایسا کرنے سے پہلے ہی گرفتار کر لیا۔

اس معاملے میں این ڈی پی ایس ایکٹ کی دفعہ 8/21، مقدمہ نمبر 169/2026 کے تحت بھمورا پولیس اسٹیشن میں ایک کیس درج کیا گیا ہے۔ پولیس اب ملزم کے نیٹ ورک اور ان سے وابستہ دیگر اسمگلروں کے بارے میں معلومات اکٹھی کر رہی ہے۔

اے این ٹی ایف بریلی کے انچارج سب انسپکٹر وکاس یادو نے بتایا کہ ملزمان پر پہلے بھی منشیات کی اسمگلنگ کا الزام ہے۔ انہوں نے مزید کہا کہ پوچھ گچھ میں اہم معلومات ملی ہیں جس کی بنیاد پر مزید کارروائی کی جائے گی۔ انہوں نے مزید کہا کہ ضلع میں منشیات کے کاروبار کو کسی قیمت پر پنپنے نہیں دیا جائے گا اور ملوث افراد کے خلاف مسلسل مہم چلائی جائے گی۔

---------------

ہندوستان سماچار / عبدالسلام صدیقی