علی گڑھ, 31 مارچ (ہ س)علی گڑھ: شہر میں ایک چونکا دینے والا معاملہ سامنے آیا ہے جہاں ابھیشیک سکسینہ سناتنی، بانی سناتن پرتبھا فاؤنڈیشن نے ایک خاتون صحافی اور اس کے بھائی پر بلیک میلنگ اور دھمکی دینے کے الزامات عائد کیے ہیں۔

اطلاعات کے مطابق یہ واقعہ ضلع اسپتال ملکھان سنگھ میں پیش آیا، جہاں ایک خاتون ملازمہ کی جانب سے مجبوری میں اسکوٹی چارج کرنے کی ویڈیو وائرل کرنے کی دھمکی دے کر مبینہ طور پر 23,600 روپے وصول کرنے کی کوشش کی جا رہی تھی۔ بتایا جاتا ہے کہ ابھیشیک سکسینہ سناتنی نے مداخلت کرتے ہوئے خاتون کو رقم نہ دینے کا مشورہ دیا، جس کے بعد اس نے ادائیگی سے انکار کر دیا۔

الزام ہے کہ رقم وصول نہ ہونے پر خاتون صحافی اور اس کے بھائی نے مشتعل ہو کر ابھیشیک سکسینہ کو فون پر دھمکیاں دیں اور انہیں تھانہ ساسنی گیٹ بلانے کے ساتھ انجام بھگتنے کی بات کہی، جبکہ اس واقعہ کی ویڈیو مبینہ طور پر غلط معلومات کے ساتھ سوشل میڈیا پر وائرل کر دی گئی۔

ابھیشیک سکسینہ سناتنی کا کہنا ہے کہ وہ جلد ہی اس معاملے میں ثبوتوں کے ساتھ پولیس میں تحریری شکایت درج کرائیں گے اور ذمہ دار افراد کے خلاف سخت کارروائی کا مطالبہ کریں گے۔

---------------

ہندوستان سماچار / سید کامران علی گڑھ