علی گڑھ, 31 مارچ (ہ س)اتر پردیش لوک سیوا آیوگ کے پی سی ایس امتحان2024 میں مالویہ لائبریری میں چلنے والے سول سروسز گائیڈ مرکز کے 20 ؍طلبہ و طالبات نے کامیابی حاصل کی ہے۔ انکا انتخاب نائب تحصیلدار سے لے کر اسسٹنٹ کمشنر جی ایس ٹی، معذور افراد کو بااختیار بنانے کے افسر، ضلع سماج کلیان افسر، سی ٹی او اور بی ڈی او جیسے عہدوں پر ہوا ہے۔ اس کامیابی سے ادارہ اور طلبہ کے اہل خانہ میں خوشی کی لہر ہے۔ یہ ادارہ سرکاری افسران کی رہنمائی اور تعاون سے چلایا جا رہا ہے۔کنوینر رنکو سہیوگی نے بتایا کہ سال 2024کے انٹرویو مرحلے میں ادارہ کے 43 ؍امیدواروں نے حصہ لیا تھا، جن میں سے 20 ؍ کامیاب ہو کر مختلف عہدوں پر منتخب ہوئے۔
کمشنر سنگیتا سنگھ کی رہنمائی میں امیدواروں کے لئے انٹرویو بورڈ بنایا گیا تھا۔ اسمیں سی ڈی او یوگیندر کمار صدر تھے، جبکہ متھرا کے اے ڈی ایم مالیات و محاصل پنکج کمار ورما، مومیں تعینات آئی اے ایس امت گپتا، ایودھیا کے ایس ڈی ایم سدھیر کمار، مین پوری کے ایس ڈی ایم گوپال شرما، ہاتھرس کے اے ڈی ایس ٹی او راج ویر سنگھ رکن تھے۔ اس بورڈ نے ہر اتوار اور تعطیلات میں ماک انٹرویو کرائے۔ ایک بورڈ آن لائن انٹرویو کے لیے بھی تشکیل دیا گیا، جس میں کورس کوآرڈینیٹر انکور سنگھ، ڈی اے وی انٹر کالج کے پرنسپل ڈاکٹر وپن وارشنی اور فزکس کے استاد آر کے گوتم نے تعاون دیا۔ اے ڈی ایس ٹی او راج ویر سنگھ نے بتایا کہ سال2016 میں اس وقت کے ایس ڈی ایم کول پنکج کمار ورما نے اس ادارے کی شروعات کول تحصیل میں کی تھی۔ اسکا مقصد باصلاحیت نوجوانوں کو موقع فراہم کرنا تھا، جو وسائل کی کمی کی وجہ سے آئی اے ایس اور پی سی ایس جیسے امتحانات کی تیاری نہیں کر پاتے تھے۔ سال 2018 سے یہ ادارہ مالویہ لائبریری میں چل رہا ہے۔
---------------
ہندوستان سماچار / سید کامران علی گڑھ
