بنگلورو،29مارچ (ہ س )۔

کپتان رجت پاٹیدار نے کہا کہ رائل چیلنجرز بنگلور نے پچھلے سال کی آئی پی ایل جیت کو پیچھے چھوڑ دیا ہے اور اب اس سال دوبارہ ٹائٹل جیتنے کے لیے اچھی کارکردگی کا مظاہرہ کرنے پر توجہ مرکوز کر رہی ہے۔ آر سی بی نے ہفتہ کو سیزن کے پہلے میچ میں سن رائزرس حیدرآباد کو چھ وکٹوں سے شکست دے کر مضبوط شروعات کی۔ تاہم پاٹیدار نے کہا کہ وہ ٹیم کی مہم کو ٹائٹل کا دفاع نہیں سمجھتے۔ انہوں نے میچ کے بعد کی پریس کانفرنس میں کہا، ہم کچھ بچانے کی ذہنیت کے ساتھ نہیں کھیل رہے ہیں۔ ہم نے جو 2025 میں کیا تھا وہ ماضی میں تھا۔ ہم اس بار دوبارہ ٹائٹل جیتنے کے لیے اپنی پوری کوشش کرنے کے ارادے سے کھیل رہے ہیں۔ وراٹ کوہلی، دیودت پڈیکل، اور جیکب ڈفی نے آر سی بی کی جیت میں اہم کردار ادا کیا۔

پاٹیدار نے کہا، جب اہداف کا تعاقب کرنے کی بات آتی ہے تو کوہلی پہلے نمبر پر ہیں۔ مجھے ہمیشہ ان کی بلے بازی پسند رہی ہے، اور اسے ڈگ آو¿ٹ سے کھیلتے دیکھنا بہت اچھا لگا۔ انہوں نے مزید کہا، کوچ اینڈی فلاور کی طرح، میں بھی محسوس کرتا ہوں کہ وہ اپنے کھیل کے عروج پر ہیں۔ میرے پاس ان کی اننگز کو بیان کرنے کا وقت نہیں ہے۔ وہ میرا آئیڈیل ہے، اور میں نے انہیں نیٹ پر اسی توانائی اور عجلت کے ساتھ کھیلتے دیکھا ہے۔ میں اسے نیٹ پر بلے بازی کرتے دیکھ کر بہت کچھ سیکھ رہا ہوں۔

سن رائزرس حیدرآباد کے لیے سب سے زیادہ تین وکٹیں لینے والے ڈفی کے بارے میں انھوں نے کہا کہ 'وہ ایک ماہر T20 گیند باز ہیں، اور ہمیں ان پر بہت اعتماد ہے۔' وہ جس طرح سے کھیل رہے ہیں وہ حیرت انگیز ہے۔

آر سی بی-سن رائزرس میچ کا آغاز گزشتہ سال اسٹیڈیم کے قریب بھگدڑ میں ہلاک ہونے والے 11 شائقین کی یاد میں ایک منٹ کی خاموشی کے ساتھ ہوا۔ پاٹیدار نے کہا کہ اپنے پیاروں کو کھونا ہمیشہ ایک برا احساس ہوتا ہے۔

انہوں نے کہا، کسی عزیز کو کھونا ہمیشہ برا ہوتا ہے۔ میں 'فیملی' کہتا ہوں کیونکہ جنہوں نے اتنے سالوں تک ہمارا ساتھ دیا وہ ہمارے لیے فیملی کی طرح ہیں، اور ہم ان کی کمی محسوس کرتے ہیں۔ میرے پاس الفاظ نہیں ہیں کہ ان کا اظہار کروں۔

ہندوستھان سماچار

ہندوستان سماچار / عطاءاللہ