اپڈیٹ۔۔۔۔ زوجیلا پاس پر برفانی تودہ گاڑی سے ٹکرانے سے 7 افراد ہلاک، 5 زخمیسری نگر، 27 مارچ (ہ س)۔ زوجیلا درے پر جمعہ کو برفانی تودہ گرنے کے ایک المناک واقعے میں سات افراد ہلاک اور پانچ دیگر زخمی ہو گئے۔ یہ حادثہ ایک مسافر گاڑی کے بھاری برف اور ملبے سے ٹکرا جانے سے پیش آیا۔ ایک سینئر افسر نے بتایا کہ گاڑیاں ایک بڑے برفانی تودے کی زد میں آ گئی، جس کے نتیجے میں موقع پر ہی متعدد افراد ہلاک جبکہ متعدد زخمی ہوئے۔ زخمیوں کو فوری طور پر ریسکیو کر کے علاج کے لیے قریبی طبی مراکز میں منتقل کر دیا گیا۔ ریسکیو ٹیمیں جن میں مقامی حکام اور ایمرجنسی ریسپانس بھی شامل ہیں، واقعے کے فوراً بعد جائے وقوعہ پر پہنچ گئے اور متاثرین کو نکالنے اور علاقے کو کلیئر کرنے کے لیے بڑے پیمانے پر آپریشن شروع کیا۔ دریں اثنا، ایکس پر ایک پوسٹ میں، مرکزی وزیر مملکت جتیندر سنگھ نے اس واقعے پر افسوس کا اظہار کرتے ہوئے کہا، زوجیلا درے پر برفانی تودہ گرنے سے 7 افراد کی موت اور 5 کے زخمی ہونے کے بارے میں جان کر دکھ ہوا، سوگوار خاندانوں کے ساتھ میری دلی تعزیت ہے، زخمیوں کو تمام ضروری مدد فراہم کی جا رہی ہے۔ہندوستھان سماچار

ہندوستان سماچار / Aftab Ahmad Mir