گڑھوا، 27 مارچ (ہ س) ۔

جھارکھنڈ کے گڑھوا ضلع کے ر م کانڈہ تھانہ علاقے میں جمعرات کی دیر رات مہا اشٹمی کے موقع پر نکالے گئے جلوس پر پتھراو¿ کے بعد حالات کشیدہ ہیں۔ اس واقعے میں چھ پولیس اہلکار اور متعدد شہری زخمی ہوئے۔ پولیس نے 12 سے زائد موٹر سائیکلیں قبضے میں لے لی ہیں۔ پورا علاقہ پولیس کیمپ میں تبدیل ہو گیا ہے۔

پلامو کے ڈی آئی جی کوشل کشور اور گڑھوا کے ایس پی امن کمار نے جائے وقوعہ کا معائنہ کیا۔

ایک کمیونٹی کا الزام ہے کہ ایک مخصوص کمیونٹی کے افراد نے کوا کھوہ شیو چبوترہ کے قریب جلوس کو آگے بڑھنے سے روک دیا۔ ڈی آئی جی نے بتایا کہ رام نومی کے موقع پر پولیس کی حفاظت میں جلوس نکالا جا رہا تھا۔ ڈی آئی جی نے بتایا کہ جلوس پر پتھراو¿ کیا گیا۔ پولیس نے ہجوم کو منتشر کرنے کے لیے ہلکی طاقت کا استعمال کیا اور آنسو گیس کے گولے داغے۔ صورتحال فی الحال قابو میں ہے۔ انہوں نے کہا کہ ذمہ داروں کے خلاف سخت کارروائی کی جائے گی۔ زخمیوں کا اسپتال میں علاج جاری ہے۔

گڑھوا کے سپرنٹنڈنٹ آف پولیس (ایس پی) امن کمار نے بتایا کہ جلوس کو لے کر دو برادریوں کے درمیان جھگڑا ہوا تھا۔ بدھ کو بھی ایک معمولی جھگڑا ہوا تھا۔ اس کے بعد، دونوں برادریوں نے جلوس کے ساتھ آگے بڑھنے پر اتفاق کیا۔ تاہم حالات اس وقت کشیدہ ہو گئے جب کچھ افراد نے جلوس کو اچانک روک دیا۔ جائے وقوعہ پر کافی تعداد میں پولیس اہلکار تعینات ہیں۔

پولیس نے واقعے کے سلسلے میں 19 افراد کو گرفتار کیا ہے۔ ان میں سے 13 کا تعلق مسلم فریق سے اور 6 کا تعلق ہندو فریق سے ہے۔ 18 موٹر سائیکلیں اور 9 موبائل فون قبضے میں لے لیے گئے ہیں۔ پولیس نے دونوں فریقین کے خلاف الگ الگ مقدمات درج کر لئے ہیں۔ دیگر ملزمین کی شناخت اور گرفتاری کے لیے کوششیں جاری ہیں۔ اسٹیشن انچارج کو معطل کر دیا گیا ہے۔

ہندوستھان سماچار

ہندوستان سماچار / عطاءاللہ