نئی دہلی، 27 مارچ (ہ س)۔ کرائم برانچ نے راجدھانی میں 19 مارچ کو پیش آئے بدنام زمانہ روی بھاردواج قتل کیس کو حل کر لیا ہے، اورٹلو گینگ کے تین شارپ شوٹرز کو گرفتار کر لیا ہے۔ پولیس نے روہنی کے علاقے میں فائرنگ کے تبادلے کے بعد ملزم کو گرفتار کر لیا۔ پولیس فائرنگ سے بال بال بچ گئی۔ پولیس کے مطابق روی بھاردواج کو 19 مارچ کو بوانا تھانہ علاقے میں گولی مار کر ہلاک کر دیا گیا تھا۔ یہ واقعہ گوگی گینگ اور ٹلوگینگ کے درمیان دیرینہ دشمنی کا نتیجہ تھا۔ 20 مارچ کو مقدمہ درج کیا گیا تھا اور تفتیش کرائم برانچ کو منتقل کر دی گئی تھی۔ کرائم برانچ کے ڈپٹی کمشنر آف پولیس سنجیو یادو نے جمعہ کو کہا کہ تحقیقات کے دوران تکنیکی ثبوت اور موبائل ڈیٹا کے تجزیہ سے چیتن (22) کے کردار کا پتہ چلا۔ اسے ہیروالی میں ان کے گھر سے گرفتار کیا گیا۔ پوچھ گچھ کے دوران یہ بات سامنے آئی کہ چیتن نے شوٹروں کو روی بھاردواج کے مقام، رہائش اور روزمرہ کے معمولات کے بارے میں معلومات فراہم کی تھیں اور واردات کے بعد اپنے موبائل فون سے شواہد مٹا دیے تھے۔ ڈپٹی کمشنر آف پولیس کے مطابق واقعے کے روز پانچ حملہ آور دو بائک پر ہیریوالی گاو¿ں پہنچے اور روی بھاردواج پر اندھا دھند فائرنگ کردی جس سے وہ موقع پر ہی ہلاک اور تین زخمی ہوگئے۔

اس کے بعد 26 مارچ کو اطلاع ملی کہ اہم شوٹر کنال عرف شانتی اپنے ساتھی کے ساتھ روہنی سیکٹر 28 پہنچنے والا ہے۔ کرائم برانچ کی ٹیم نے علاقے کو گھیرے میں لے لیا اور اسکوٹر پر سوار دونوں افراد کو روکنے کی کوشش کی لیکن ملزمان نے پولیس پر فائرنگ کردی۔ جوابی فائرنگ سے دونوں مجرم زخمی ہو گئے جنہیں موقع پر گرفتار کر لیا گیا۔ انکاو¿نٹر کے دوران اے سی پی سنجے ناگپال اور ہیڈ کانسٹیبل روہت کو بھی گولی لگی، لیکن ان کی بلٹ پروف جیکٹس نے ان کی جان بچائی۔ ایک گولی اے سی پی کے کپڑوں میں لگی۔ گرفتار ملزمان میں جھجر، ہریانہ کا رہنے والا کنال عرف شانتی (23)، ہیرے والی کا رہنے والا چیتن (22) اور ایک نابالغ شامل ہیں۔ پولیس نے ان کے قبضے سے دو نیم خودکار پستول، سات زندہ کارتوس، آٹھ خرچ شدہ کارتوس اور ایک مسروقہ اسکوٹر برآمد کیا۔ ایک پولیس افسر کے مطابق تفتیش میں ترون عرف طوری نامی ملزم کے اہم کردار کا بھی انکشاف ہوا ہے جس نے سازش کو ترتیب دیا تھا۔ پولیس کے مطابق یہ قتل ٹلو اور گوگی گینگ کے درمیان طویل عرصے سے جاری گینگ وار کا حصہ تھا۔ پولیس فی الحال مفرور ملزمان کی تلاش میں ہے اور گینگ کے پورے نیٹ ورک کی تفتیش کر رہی ہے۔

---------------

ہندوستان سماچار / عبدالسلام صدیقی