ماسکو، 25 مارچ (ہ س)۔ روس نے یوکرین کے خلاف اپنے اب تک کے سب سے بڑے فضائی حملے میں تقریباً ایک ہزار ڈرون اور میزائل داغے۔ ان حملوں میں متعدد افراد ہلاک، درجنوں زخمی ہوئے، اور لویب سمیت کئی شہروں میں بڑے پیمانے پر تباہی ہوئی۔ یہ حملے ایک ایسے وقت میں ہوئے ہیں جب جنگ کے خاتمے کی کوششوں کے درمیان تناو¿ بڑھ رہا ہے۔ میڈیا رپورٹس کے مطابق روس نے حالیہ دنوں میں یوکرین کے خلاف سب سے بڑا فضائی حملہ کیا ہے۔ حکام کے مطابق روس نے 24 گھنٹے کے عرصے میں تقریباً 1000 ڈرون اور میزائل داغے جس سے کم از کم سات افراد ہلاک اور متعدد زخمی ہوئے۔ بتایا جاتا ہے کہ رات کے وقت تقریباً 400 طویل فاصلے تک مار کرنے والے ڈرونز اور 23 کروز میزائل داغے گئے۔ اس کے بعد دن کے دوران غیر معمولی طور پر زیادہ تعداد میں 556 ڈرون حملے کیے گئے، جن میں مغربی یوکرین کے کئی شہروں کو نشانہ بنایا گیا۔
ایک روسی ڈرون نے مغربی شہر لیویب میں 16ویں صدی کی برنارڈین مٹھ (یونیسکو کے عالمی ثقافتی ورثے کی جگہ) کو نشانہ بنایا۔ حملے میں قریبی رہائشی عمارتوں کو آگ لگ گئی اور متعدد افراد زخمی ہوئے۔
یوکرائنی رپورٹس کے مطابق حملے کئی علاقوں میں ہوئے جن میںٹیرنوپل، وینیتسیا،ایوانو فرینکبسک، زائیٹامر، زیپوروزیا اورڈنپرو شامل ہیں۔ دو افرادایوانو فرینکبسک میں اور ایک وینیتسیامیں ہلاک ہوئے۔ اس کے علاوہ پولٹاوا کے علاقے میں دو افراد ہلاک اور 11 زخمی ہوئے۔ زیپوروزیا میں ایک اور 61 سالہ مسافر ہلاک اور پانچ دیگر زخمی ہوئے، اور خارکیف کے علاقے میں، ایک ٹرین حملے میں 61 سالہ مسافر ہلاک ہوا۔
یوکرین کی فضائیہ کا دعویٰ ہے کہ اس نے دن کے دوران داغے گئے 556 ڈرونز میں سے بیشتر کو تباہ یا ناکارہ کردیا۔ اس کے باوجود، حملوں کا اثر وسیع تھا، جس میں 11 انتظامی علاقوں میں نقصان کی تصدیق ہوئی۔
صدر زیلنسکی نے کہا کہ حملے کے پیمانے سے ظاہر ہوتا ہے کہ روس جنگ کو ختم کرنے کا کوئی ارادہ نہیں رکھتا اور عالمی برادری سے روس پر مزید سخت پابندیاں عائد کرنے کا مطالبہ کیا۔
---------------
ہندوستان سماچار / عبدالسلام صدیقی
