نئی دہلی ، 25 مارچ (ہ س)۔ کم اور درمیانے وولٹیج الیکٹریکل پینل اور آٹومیشن سسٹم بنانے والی کمپنی ویوڈ الیکٹرومیک کا 130.54 کروڑ روپے کا آئی پی او آج سبسکرپشن کے لیےلانچ کر دیا گیا۔ آئی پی او کے لیے بولیاں 30 مارچ تک لگائی جا سکتی ہیں۔ ایشو کے بند ہونے کے بعد 2 اپریل کو حصص الاٹ کیے جائیں گے ، جبکہ 6 اپریل کو الاٹ کیے گئے حصص ڈیمیٹ اکاو¿نٹ میں جمع کیے جائیں گے۔ کمپنی کے حصص 7 اپریل کو این ایس ای کے ایس ایم ای پلیٹ فارم پر درج کیے جا سکتے ہیں۔

اس آئی پی او میں بولی لگانے کے لئے 528 روپے سے 555 روپے فی حصص کا پرائس بینڈ مقرر کیا گیا ہے ، جس میں 240 حصص کا لاٹ سائز ہے۔ ویوڈ الیکٹرومیک کے اس آئی پی او میں ، خوردہ سرمایہ کاروں کو دو لاٹس یعنی 480 شیئروں کے لئے بولی لگانی ہوگی ، جس کے لئے انہیں 2,66,400 روپے کی سرمایہ کاری کرنی ہوگی۔ اس آئی پی او کے تحت 10 روپے کی فیس ویلیو کے کل 23.52 لاکھ حصص جاری کیے جا رہے ہیں۔ اس میں سے 98 کروڑ روپے کے 17,65,200 نئے حصص اور 4.68 لاکھ حصص آفر فار سیل ونڈو کے ذریعے فروخت کیے جا رہے ہیں۔

ایشو کا 47.42 فیصد کو اہل ادارہ جاتی خریداروں (کیو آئی بی) کے لیے مختص کیا گیا ہے۔ بقیہ 33.27 فیصد خوردہ سرمایہ کاروں اور 14.27 فیصد غیر ادارہ جاتی سرمایہ کاروں (این آئی آئی) کے لیے مخصوص ہے۔ اس کے علاوہ ایشو کا 5.05 فیصد مارکیٹ میکرز کے لیے مختص کیا گیا ہے۔ ہیم سیکیورٹیز لمیٹڈ کو اس ایشو کا بک رننگ لیڈ منیجر مقرر کیا گیا ہے ، جبکہ ایم یو جی ایف ان ٹائم انڈیا پرائیویٹ لمیٹڈ کو رجسٹرار مقرر کیا گیا ہے۔ ہیم فنلیز پرائیویٹ لمیٹڈ کمپنی کا مارکیٹ میکرہے۔

کمپنی کی مالی حالت کے بارے میں بات کریں تو کیپٹل مارکیٹ ریگولیٹر سیبی کو پیش کردہ ریڈ ہیرنگ پراسپیکٹس (ڈی آر ایچ پی ) کے مسودے میں کیے گئے دعوے کے مطابق ، اس کی مالی حالت مستقل طور پر مضبوط ہوئی ہے۔ مالی سال 2022-23 میں کمپنی کا خالص منافع 6 لاکھ روپے تھا ، جو اگلے مالی سال 2023-24 میں بڑھ کر 4.28 کروڑ روپے ہو گیا اور مالی سال 2024-25 میں بڑھ کر 20.24 کروڑ روپے ہو گیا۔ موجودہ مالی سال کے پہلی چھ ماہی یعنی اپریل سے 30ستمبر 2025تک کمپنی کو 9.44 کروڑ روپے کا خالص منافع ہو چکا ہے ۔

اس کے ساتھ ہی کمپنی کی آمدنی میں اضافہ ہوتا رہا۔ مالی سال 2022-23 میں اسے 59.63 کروڑ روپے کی آمدنی ہوئی ، جو 2022-23 میں بڑھ کر59.63 کروڑ روپے ہو گئی۔ مالی سال 2023-24 میں یہ 89.55 کروڑ روپے ہوگئی ۔ جبکہ مالی سال 2024-25 میں 155.77 کروڑ روپے ہو گئی ۔ رواں مالی سال کی پہلی چھ ماہی یعنی اپریل سے 30ستمبر 2025تک کمپنی کو 70.89 کروڑ روپے کی آمدنی حاصل ہو چکی ہے۔

اس مدت کے دوران کمپنی کے قرض کے بوجھ میں اتار- چڑھاو ہوتا رہا۔ مالی سال 2022-23 کے اختتام پر ، کمپنی پر قرض کا بوجھ 6.47 کروڑ روپے ، جو مالی سال 2023-24 میں کم ہو کر 4.77 کروڑ روپے اور مالی سال 2024-25 میں 4.23 کروڑ روپے کی سطح پر آ گیا۔ موجودہ مالی سال کی پہلی چھ ماہی یعنی اپریل سے 30 ستمبر 2025 تک ، کمپنی پر قرض کا بوجھ بڑھ کر 14.17 کروڑ روپے کی سطح پر آ گیا۔

اس عرصے کے دوران کمپنی کی مجموعی مالیت میں بھی اضافہ ہوا۔ مالی سال 2022-23 میں ، یہ 2.38 کروڑ روپے کی سطح پر تھی، جو 2023-24 میں بڑھ کر 6.98 کروڑ روپے ہو گئی ۔ اسی طرح،2024-25 میں کمپنی کا نیٹ ورتھ 27.45 کروڑ روپے کی سطح پر آ گیا۔ رواں مالی سال کی پہلی چھ ماہی میں یعنی اپریل سے 30 ستمبر 2025 تک یہ 37.03کروڑ روپے کی سطح پر پہنچ گیا۔

اس عرصے کے دوران کمپنی کے ریزرو اور سرپلس میں بھی اضافہ ہوا۔ مالی سال 2022-23 میں ، یہ 14.94 کروڑ روپے کی سطح پر تھاجو 2023-24 میں 18.05 کروڑ روپے ہو گیا۔ اسی طرح کمپنی کا نیٹ ورتھ 2024-25 میں 38.29 کروڑ روپے کی سطح پر آ گیا۔ وہیں ، رواں مالی سال کی چھ ماہی یعنی اپریل سے 30 ستمبر 2025 تک 44.23 کروڑ روپے کی سطح پر پہنچ گیا۔

اسی طرح ای بی آئی ٹی ڈی اے 2022-23 میں 1.76 کروڑ روپے کی سطح پر تھا، جو 2023-24 میں بڑھ کر7.18 کروڑ روپے کی سطح پر اور 2024-25 میں 28.39 کروڑ روپے کی سطح پر آگیا۔موجودہ مالی سالی پہلی ششماہی یعنی اپریل سے 30 ستمبر 2025 تک یہ 13.50 کروڑ روپے کی سطح پر تھا۔

ہندوستھان سماچار

ہندوستان سماچار / محمد شہزاد