بیروت، 25 مارچ (ہ س)۔ لبنان میں جاری حملوں کے درمیان حزب اللہ کے سربراہ نعیم قاسم نے واضح کیا ہے کہ موجودہ حالات میں اسرائیل کے ساتھ مذاکرات کی کوئی صورت ممکن نہیں۔

قاسم نے کہا کہ جب تک لبنان پر حملے جاری رہیں گے، مذاکرات میں شامل ہونا زبردستی ہتھیار ڈالنے کے مترادف ہوگا۔ انہوں نے الزام لگایا کہ ہتھیاروں کو محدود کرنے کے مطالبات - اسرائیل کی شرائط کے مطابق - ملک کی سلامتی اور وجود کے لیے شدید خطرہ ہیں۔

انہوں نے مزید کہا کہ ایسے وقت میں مذاکرات کرنا جب ایک فریق مسلسل حملے کر رہا ہو اور علاقے پر قبضہ برقرار رکھے بے معنی ہیں۔

حزب اللہ کے سربراہ نے اشارہ دیا کہ اگر تنازعہ مزید بڑھتا ہے تو تنظیم کے جنگجو بغیر کسی حد کے جواب دینے کے لیے تیار ہیں۔

خیال کیا جاتا ہے اسرائیلی حملے اور حزب اللہ کے اس بیان سے خطے میں کشیدگی مزید بڑھ سکتی ہے اور فی الحال سفارتی حل کے امکانات معدوم ہوتے دکھائی دیتے ہیں۔

ہندوستھان سماچار

---------------

ہندوستان سماچار / عبدالواحد