نئی دہلی، 25 مارچ (ہ س)۔ مرکزی وزیر مملکت برائے داخلہ نتیانند رائے نے بدھ کو لوک سبھا میں غیر ملکی عطیات سے متعلق 'فارن کنٹری بیوشن (ریگولیشن) ترمیمی بل 2026' پیش کیا۔ یہ بل ایف سی آر اے ایکٹ، 2010 میں مزید ترمیم کرنے کے لئے پیش کیا گیا ہے۔

لوک سبھا میں بل پیش کرتے ہوئے، مرکزی وزیر مملکت برائے امور داخلہ نتیا نند رائے نے ایوان کو مطلع کیا کہ اس قانون سازی کا مقصد فارن کنٹری بیوشن (ریگولیشن) ایکٹ، 2010 میں ترمیم کرنا ہے۔ رائے نے کہا کہ یہ بل غیر ملکی عطیات کے استعمال کو زیادہ شفاف اور جوابدہ بنائے گا۔ تاہم، حزب اختلاف کے کچھ ارکان بشمول کانگریس کے منیش تیواری اور ترنمول کانگریس کی پرتیما مونڈل نے بل کی مخالفت کی۔

ہندوستھان سماچار

---------------

ہندوستان سماچار / عبدالواحد