کانپور، 25 مارچ (ہ س)۔ چکیری تھانے کے علاقے میں سول ڈیفنس کی خاتون کارکن کے ساتھ لوٹ کی واردات کو انجام دینے والےبدمعاشوں کا منگل کی رات دیر گئے پولیس کے ساتھ انکاونٹر ہوا۔ جوابی کارروائی میں ایک بدمعاش کی ٹانگ میں گولی لگی جبکہ دوسرے کو پیچھا کر کے گرفتار کر لیا گیا۔ ملزمان نے ایک گھنٹے میں ڈکیتی کی دو وارداتوں کو انجام دیا تھا۔

منگلا وہار پرتھم، نیو پی اے سی لائن کی رہنے والی سول ڈیفنس کی کارکن انیتا سریواستو ہفتہ کو آئی آئی ٹی میں ایک پروگرام میں شرکت کے بعد گھر لوٹ رہی تھیں۔ جب وہ منگلا وہار میں ماما پی سی او کے پاس سڑک عبور کر رہی تھیں تو دوسری طرف سے آنے والے موٹر سائیکل پر سوار دو نوجوانوں نے اس کا منگل سوتر چھین لیا اور موقع سے فرار ہو گئے۔ اس کے علاوہ واقعہ کے ایک گھنٹے بعد منگلا وہار پرتھم کی رہنے والی ایک نوجوان خاتون کا پرس چھین لیا گیا۔

ڈی سی پی ایسٹ ستیہ جیت گپتا نے بتایا کہ ایک مخبر سے اطلاع ملی تھی کہ لوٹ کے ملزم دونوں بدمعاش علاقے میں نظر آئے ہیں۔ انہیں پکڑنے کے لیے سنیگواں میں الکھنندا ریلوے اوور برج کے قریب لٹیروں کو روکنے کی کوشش کی گئی۔ اس دوران بدمعاشوں نے پولیس پر فائرنگ کردی۔ جوابی کارروائی میں ایک لٹیرے کی ٹانگ میں گولی لگی جبکہ دوسرے کو پیچھا کر کے پکڑ لیا گیا۔ لٹیروںکی شناخت بابو پوروا کے رہنے والے احتشام اور قدوائی نگر کے رہنے والے ریحان کے طور پر کی گئی ہے۔ اس کے علاوہ ان کے پاس سے مسروقہ منگل سوتر اور ایک پستول بھی برآمد ہوا ہے۔

زخمی کو علاج کے لیے اسپتال میں داخل کرایا گیا ہے۔ دونوں بدمعاشوں کو بدھ کو عدالت میں پیش کر کے جیل بھیج دیا جائے گا۔

ہندوستھا ناسماچار

ہندوستان سماچار / محمد شہزاد