میامی، 24 مارچ (ہ س)۔ اطالوی اسٹار جنیک سنر نے میامی اوپن 2026 میں شاندارجیت کے ساتھ اپنے ”سن شائن ڈبل“ (اسی سال انڈین ویلز اور میامی اوپن جیتنے) کے خواب کو زندہ رکھا۔ سنر نے پیر کو تیسرے راو¿نڈ میں فرانس کے کورینٹن ماؤٹ کو 6-1، 6-4سے شکست دے کر آخری 16 میں رسائی حاصل کی۔ وہ اس مہینے پہلے ہی ویلیس خطاب جیت چکے ہیں اور اب لگاتار دوسری بڑا خطاب جیتنے کی دوڑ میں ہیں۔

سنر کا اگلا مقابلہ امریکی ایلکس مائیکلسن سے ہوگا جنہوں نے چلی کے الیجینڈرو ٹیبیلو کو 3-6، 6-3، 6-4 سے شکست دی۔

وہیں، دفاعی چیمپئن جیکب مینسک کو بڑا دھچکا لگا اور وہ ٹورنامنٹ سے باہر ہو گئے۔ انہیں امریکہ کے فرانسس ٹیافو نے قریبی مقابلے میں 7-6 (7/4)، 4-6، 7-6 (13/11) سے شکست دی۔

روسی اسٹار ڈینیل میدویدیف بھی ٹورنامنٹ سے باہر ہوگئے۔ انہیں ارجنٹینا کے فرانسسکو سیرونڈولو نے 6-0، 4-6، 7-5 سے شکست دی۔ اس سے قبل کارلوس الکاراز، ایلکس ڈی میناور اور بین شیلٹن جیسے نامور کھلاڑی بھی باہر ہو چکے تھے۔

فرانسس ٹیافو اب اگلے راؤنڈ میں فرانس کے ٹیرنس اتمانے سے مقابلہ کریں گے جنہوں نے کینیڈا کے فیلکس اوگر-الیاسائم کو شکست دے کر اپ سیٹ کیا۔

دیگر میچوں میں جرمنی کے الیگزینڈر زیویریو نے کروشیا کے مارین سلِک کو 6-2، 5-7، 6-4 سے ہرا کر اگلے راؤنڈ میں داخلہ حاصل کیا جبکہ فرانس کے یوگو ہمبرٹ نے الیگزینڈر شیوچینکو کو شکست دی۔

میامی اوپن نے اس بار کچھ بڑے اپ سیٹس دیکھے ہیں، جس سے ٹورنامنٹ اور بھی دلچسپ ہو گیا ہے۔

ہندوستھا ن سماچار

ہندوستان سماچار / محمد شہزاد