ہندوستانی تاریخ میں 22 مارچ کا دن بے حد دردناک اور ہولناک واقعے کے لیے جانا جاتا ہے۔ سال 1739 میں فارس (آج کا ایران) کے حکمراں نادر شاہ نے ہندوستان پر حملہ کیا۔ کرنال کی لڑائی میں مغل فوج کو کراری شکست کا سامنا کرنا پڑا، جس کے بعد دہلی پر اس کا قبضہ ہو گیا۔

جب نادر شاہ اپنی فوج کے ساتھ لال قلعہ پہنچا، تب شہر میں تناو بڑھ گیا۔ مقامی لوگوں اور فارسی سپاہیوں کے درمیان جھڑپیں ہوئیں، جن میں کئی سپاہی مارے گئے۔ اس واقعے سے غضبناک ہو کر نادر شاہ نے دہلی میں ’قتلِ عام‘ کا حکم دے دیا۔

اس کے بعد پرانی دہلی کے کئی علاقوں میں اس کی فوج نے بے گناہ شہریوں کا بے رحمانہ قتل کیا۔ ہزاروں لوگوں کو موت کے گھاٹ اتار دیا گیا اور شہر میں خوف و ہراس کا ماحول پیدا ہو گیا۔ اس واقعے کو تاریخ میں ’قتلِ عام‘ کے نام سے جانا جاتا ہے، جو مغل دور کے زوال اور ہندوستان کی تاریخ کے سب سے ظالمانہ ابواب میں سے ایک مانا جاتا ہے۔

دیگر اہم واقعات:

1885 - ہندوستانی ماہرِ آثارِ قدیمہ غلام یزدانی کی پیدائش۔

1890 - رام چندر چٹرجی پیراشوٹ سے اترنے والے پہلے ہندوستانی شخص بنے۔

1894 - چٹگانگ بغاوت کی قیادت کرنے والے عظیم انقلابی سوریہ سین کی پیدائش ہوئی۔

1942 - سر اسٹیفورڈ کرپس کی قیادت میں کرپس مشن ہندوستان پہنچا۔

- دوسری عالمی جنگ کے دوران جاپانی بحریہ اور فضائیہ نے پورٹ بلیئر میں قدم رکھا۔

1947 - لارڈ ماونٹ بیٹن آخری وائسرائے کے طور پر ہندوستان آئے۔

1964 - کولکاتا میں پہلی ونٹیج کار ریلی کا انعقاد ہوا۔

1969 - انڈین پیٹرو کیمیکلز کارپوریشن لمیٹڈ کا افتتاح ہوا۔

1977 - ایمرجنسی کے بعد ہوئے عام انتخابات میں کانگریس کی زبردست ہار کے بعد وزیراعظم اندرا گاندھی نے صدر جمہوریہ کو استعفیٰ سونپا۔

1993 - پہلی بار پانی کا عالمی دن منایا گیا۔

1999 - ہندوستانی شیکھر کپور کی فلم ’ایلزبتھ‘ کو بہترین میک اپ کا آسکر ایوارڈ ملا۔

1999 - اردن کے شاہ عبداللہ نے اپنی اہلیہ شہزادی رانیہ کو سرکاری طور پر ملکہ نامزد کیا۔

2003 - پاکستان حکومت نے عراق پر امریکی حملے کے پیشِ نظر سیف سیل مقابلے ملتوی کیے، اتحادی افواج نے دریائے فرات کے کنارے پر واقع ناصریہ شہر پر قبضہ کیا اور بصرہ کی ناکہ بندی کر کے جنوبی عراق میں اپنی پیش قدمی کا سلسلہ جاری رکھا۔

2007 - پاکستان نے حتف-7 میزائل کا تجربہ کیا۔

2010 - کیرالہ حکومت کی تشکیل کردہ 14 رکنی کمیٹی نے کوکا کولا کے پلکڈ میں واقع پلانٹ سے ماحولیاتی نقصان کی تصدیق کرتے ہوئے 218 کروڑ کا ہرجانہ مانگنے اور اس کے لیے قانونی لڑائی کے لیے ایک اتھارٹی کی تشکیل کی سفارش کی۔

2010 - نیشنل ہائی ویز اتھارٹی آف انڈیا (این ایچ اے آئی) کے گولڈن کواڈری لیٹرل پروجیکٹ میں کام کرنے والے نوجوان انجینئر ستیندر دوبے کی بہار میں گیا میں واقع سرکٹ ہاوس کے سامنے 27 نومبر 2003 کو علی الصبح گولی مار کر قتل کر دیے جانے کے معاملے میں تین لوگوں، منٹو کمار، ادے کمار اور پنکو رویداس کو پٹنہ کی ایک عدالت نے قصوروار ٹھہرایا۔

2010 - وزیراعظم نریندر مودی نے 2020 میں آج ہی کے دن کووڈ-19 وبا کے پھیلاو کے پیشِ نظر ’جنتا کرفیو‘ لگانے کا اعلان کیا تھا۔

2021 - ہندوستانی ہندی سنیما کے مایہ ناز اسکرپٹ رائٹر ساگر سرحدی کا انتقال۔

ہندوستھان سماچار

---------------

ہندوستان سماچار / انظر حسن