نئی دہلی، 20 مارچ (ہ س)۔

دہلی پولیس کی کرائم برانچ (ڈبلیو آر-آئی) یونٹ نے قتل کی کوشش کے معاملے میں ایک مفرور ملزم کو گرفتار کیا ہے۔ گرفتار ملزم کی شناخت 27 سالہ ذیشان احمد ادریسی کے طور پر کی گئی ہے جو کیشو پورم علاقہ میں دیوالی کی رات فائرنگ کے واقعہ کے سلسلے میں مطلوب تھا۔ عدالت نے ان کے خلاف ناقابل ضمانت وارنٹ بھی جاری کیا تھا۔

کرائم برانچ کے ڈپٹی کمشنر آف پولیس، ہرش اندورا نے جمعہ کو بتایا کہ یہ واقعہ دیوالی 2025 کی رات پیش آیا، جب ذیشان نے اپنے ساتھیوں کے ساتھ کیشو پورم علاقے میں کئی راو¿نڈ فائرنگ کی۔ واقعہ کے دوران بھانو کمار نامی نوجوان کو گولی لگی۔ واقعہ کے بعد سے ملزم مسلسل اپنی جگہ بدل کر پولیس سے بچنے کی کوشش کر رہا ہے۔ ڈپٹی کمشنر کے مطابق کرائم برانچ کی ٹیم کو خفیہ اطلاع ملی کہ ملزم تلک نگر کے علاقے چاند نگر میں چھپا ہوا ہے۔ اطلاع کی تصدیق کے بعد انسپکٹر انیل ملک کی قیادت میں ٹیم نے علاقے میں چھاپہ مار کر اسے گرفتار کر لیا۔ تفتیش سے معلوم ہوا کہ ملزم ماضی میں متعدد وارداتوں میں ملوث رہا ہے۔ اس کے خلاف ساگر پور تھانے میں اقدام قتل اور آرمز ایکٹ کے تحت مقدمہ درج کیا گیا ہے جبکہ پنجابی باغ تھانے میں چھیننے کا مقدمہ بھی درج کیا گیا ہے۔

پولیس کے مطابق ذیشان نے دسویں جماعت تک تعلیم حاصل کی اور فوراً پیسے کمانے کی لالچ میں جرائم کی دنیا میں قدم رکھا۔ پوچھ گچھ کے دوران اس کے جرائم اور اس کے نیٹ ورک کے بارے میں معلومات اکٹھی کی جا رہی ہیں۔ کرائم برانچ کے حکام نے بتایا کہ دارالحکومت میں سرگرم جرائم پیشہ افراد کے خلاف مہم جاری رہے گی اور کسی بھی ملزم کو قانون کی گرفت سے بچنے کی اجازت نہیں دی جائے گی۔

ہندوستھان سماچار

ہندوستان سماچار / عطاءاللہ