ناہن، 2 مارچ (ہ س)۔

بھارتیہ جنتا پارٹی (بی جے پی) کے ریاستی صدر ڈاکٹر راجیو بندل نے ناہن اسمبلی حلقہ کے بگڑتے ہوئے حالات پر گہری تشویش کا اظہار کیا۔ انہوں نے کہا کہ نوراتری، نیا سال اور رام نومی جیسے مقدس تہوار قریب آرہے ہیں، اور لاکھوں عقیدت مند ماتا ترلوک پور بالا سندری کی زیارت کرتے ہیں، اس کے باوجود علاقے کی سڑکوں اور صفائی ستھرائی کی حالت انتہائی خراب ہے۔

انہوں نے الزام لگایا کہ کالا آم سے ترلوک پور تک سڑک کی حالت خستہ ہے۔ نالیاں کچرے سے بھری پڑی ہیں اور سڑکوں پر گڑھے حادثات کو دعوت دے رہے ہیں۔ یہاں تک کہ مین تھاپل تا ترلوک پور راستے پر پیدل چلنا بھی مشکل ہو گیا ہے۔ کالا آم سے ناگل سوکیتی تک اور موگینند سے ناگل سوکیتی براستہ مارکنڈا پل بھی خستہ حالت میں ہیں۔

ڈاکٹر بندل نے بتایا کہ دریائے مارکنڈا ایک گندے نالے میں تبدیل ہو گیا ہے اور کالا آم پنچایت میں کچرے کے ڈھیر لگے ہوئے ہیں۔ آوارہ جانور اور گرد و غبار سے حادثات کا خطرہ ہے۔ انہوں نے کہا کہ اس صورتحال کے باوجود ریاستی حکومت نے انٹری ٹیکس میں 200 فیصد اضافہ کرکے عوام پر اضافی بوجھ ڈال دیا ہے۔

ہندوستھان سماچار

ہندوستان سماچار / عطاءاللہ