۔ پہلے پانچ سیکنڈ میں ہی شیئر مارکیٹ سے 7.80 لاکھ کروڑ روپے کا صفایا
نئی دہلی، 02 مارچ (ہ س)۔ گھریلو شیئر مارکیٹ میں آج ابتدائی تجارت کے دوران ہی زبردست گراوٹ کا رجحان قائم ہے۔ آج کے کاروبار کی شروعات بھی کمزوری کے ساتھ ہوئی۔جیو پولیٹیکل تناو¿ کی وجہ سے بازار کھلتے ہی پہلے پانچ سیکنڈ میں ، بامبے اسٹاک ایکسچینج (بی ایس ای) میں درج کمپنیوں کی مارکیٹ کیپ مارکیٹ 7.80 لاکھ کروڑ روپے کم ہوگئی۔حالانکہ،بازار کھلنے کے بعد، خریداروں نے خریداری کا زور بنانے کی کوشش کی جس کی وجہ سے سینسیکس اور نفٹی دونوں انڈیکس کی حالت کافی حد تک بہتر ہوگئی۔ ٹریڈنگ کے پہلے ایک گھنٹے کے بعد، سینسیکس 1.28 فیصد اور نفٹی 1.25 فیصد کی کمزوری کے ساتھ کاروبار کر رہے تھے ۔
شروعاتی ایک گھنٹے کا کاروبار ہونے کے بعد حصص بازار کے بڑے شیئروں میں سے بھارت الیکٹرانکس، ہنڈالکو انڈسٹریز، بھارتی ایئرٹیل، ٹاٹا اسٹیل اور جے ایس ڈبلیو اسٹیل 2.24فیصد سے 0.08فیصد تک کے اضافے کے ساتھ کاروبارکر رہے تھے۔ دوسری طرف، لارسن اینڈ ٹوبرو، انٹر گلوب ایوی ایشن، ایشین پینٹس، اڈانی انٹرپرائزز، اور اڈانی پورٹس 4.74فیصد سے 2.37فیصد تک کے نقصان کے ساتھ تجارت کر رہے تھے۔
اب تک کے کاروبار میں، شیئر بازار میں 2,799 حصص میں ایکٹوٹریڈنگ ہو رہی تھی۔ ان میں سے 470 شیئر منافع کمانے کے بعد سبز نشان میں کاروبار کرتے ہوئے جبکہ 2329 شیئرز خسارے کے بعد ریڈ سرخ نشان میں کاروبار کر رہے تھے ۔ اسی طرح سینسیکس میں شامل 30 شیئروں میں سے 4 حصص خریداری کی حمایت کی وجہ سے سبز نشان میں تھے ۔ دوسری جانب فروخت کے دباو¿ کے باعث 26 حصص سرخ نشان میں کاروبار کر رہے تھے جب کہ نفٹی میں شامل 50 شیئروں میں سے 7 شیئر سبز نشان میں جبکہ 43 حصص سرخ نشان میں کاروبار کرتے ہوئے نظر آ رہے تھے۔
بی ایس ای کا سینسیکس آج 2,743.46 پوائنٹس کی زبردست گراوٹ کے ساتھ 78,543.73 پر کھلا۔ ٹریڈنگ شروع ہوتے ہی خریداروں نے خریداری کے لیے دباو¿ ڈالنا شروع کر دیا جس کی وجہ سے انڈیکس کی پوزیشن میں بہتری آئی۔ مسلسل خریداری کی مدد سے، سینسیکس نے ٹریڈنگ کے پہلے 20 منٹ کے اندر اپنی اوپننگ لیول سے 2,000 پوائنٹس سے زیادہ کی بازیافت کی، جو 80,632.55 پوائنٹس کی سطح تک پہنچ گئی۔ اس کے بعد، مارکیٹ میں فروخت کا دباو¿ بڑھ گیا، جس سے انڈیکس کی حرکت میں کمی واقع ہوئی۔ مارکیٹ میں مسلسل خرید و فروخت کے درمیان، سینسیکس ٹریڈنگ کے پہلے گھنٹے کے بعد 1,037.55 پوائنٹس گرکر صبح 10:15 بجے 80,249.64 پر کاروبار کر رہا تھا۔
سینسیکس کی طرح این ایس ای کے نفٹی نے بھی آج 519.40 پوائنٹس کی کمی کے ساتھ 24,659.25 پوائنٹس پر تجارت شروع کی۔ بازار کھلتے ہی، خریداروں نے خریداری کا دباو¿ بنایا، جس کی وجہ سے نفٹی ابتدائی سطح سے 330.10 پوائنٹس چھلانگ لگا کر پہلے 20 منٹ میں 24,989.35 پوائنٹ تک پہنچ گیا۔ اس کے بعد مارکیٹ میں فروخت کا دباو¿ بننا شروع ہوگیا جس کی وجہ سے اس انڈیکس کی کمزوری ایک بار پھر بڑھنے لگی۔ مارکیٹ میں مسلسل خرید و فروخت کے درمیان، نفٹی صبح 10:15 بجے 315.10 پوائنٹس کی گراوٹ کے ساتھ 24,863.55 پوائنٹس پر کاروبار کر رہا تھا۔
اس سے قبل گزشتہ ہفتے کے آخری کاروباری دن جمعہ کو سینسیکس 961.42 پوائنٹس یعنی 1.17 فیصد کی کمی کے ساتھ 81,287.19 پر بند ہوا تھا۔ نفٹی نے جمعہ کے کاروباری دن 317.90 پوائنٹس یعنی 1.25 فیصد کی کمی کے ساتھ 25,178.65 پر ختم کیا تھا۔
ہندوستھان سماچار
ہندوستان سماچار / محمد شہزاد
