اورنگ آباد ، 02 مارچ (ہ س)۔ اعلیٰ تعلیم کے خواہشمند دیگر پسماندہ طبقات، وِمکت جاتی، بھٹکیا جماتی اور خصوصی پسماندہ زمرے کے طلبہ کے لیے سرکاری ہاسٹل میں داخلے اور متبادل امدادی اسکیموں کے تحت درخواست دینے کا نیا ٹائم ٹیبل جاری کر دیا گیا ہے۔ حکومت کی جانب سے آن لائن درخواست کی مدت میں توسیع کرتے ہوئے اہل طلبہ کو https://hmas.mahait.org پورٹل پر رجوع کرنے کی ہدایت دی گئی ہے۔ سرکاری اعلان کے مطابق بارہویں جماعت کے بعد پیشہ ورانہ، گریجویشن اور پوسٹ گریجویشن کورسز میں داخلہ لینے والے طلبہ 10 مارچ تک درخواست جمع کر سکتے ہیں۔ پہلی منتخب فہرست 11 مارچ کو شائع کی جائے گی، جبکہ منتخب امیدواروں کو 12 مارچ سے 20 مارچ کے درمیان داخلہ مکمل کرنا ہوگا۔ مزید کہا گیا ہے کہ جو طلبہ سرکاری ہاسٹل کے لیے اہل ہونے کے باوجود گنجائش کی کمی یا میرٹ کی بنیاد پر داخلہ حاصل نہیں کر پاتے، ان کی درخواستیں پنڈت دین دیال اُپادھیائے سُوَیم یوجنا اور گیان جیوتی ساوتری بائی پھُلے آدھار یوجنا کے تحت غور کی جائیں گی۔معاون ڈائریکٹر دیانند کوکرے نے وِجابھج، ایم اے وی اور وِماپرا زمرے کے اہل طلبہ سے کہا ہے کہ وہ تاخیر کیے بغیر سرکاری آن لائن پورٹل پر اپنی درخواست مکمل کریں تاکہ انہیں مقررہ اسکیموں کا فائدہ حاصل ہو سکے۔

ہندوستھان سماچار

--------------------

ہندوستان سماچار / جاوید این اے