بنگلورو، 19 مارچ (ہ س)۔ ہندوستانی کرکٹ کے لیجنڈری بلے باز، وراٹ کوہلی، انڈین پریمیئر لیگ (آئی پی ایل) 2026 کے لیے پوری طرح تیار ہیں۔ انہوں نے اپنی ٹیم، رائل چیلنجرز بنگلورو (آر سی بی) میں شمولیت اختیار کی ہے اور پہلے ہی اپنے پریکٹس سیشنز کا آغاز کر دیا ہے۔ اسی دوران کوہلی کی ایک ویڈیو منظر عام پر آئی ہے جس نے ان کے مداحوں میں جوش و خروش بڑھا دیا ہے۔

سوشل میڈیا پلیٹ فارم 'ایکس' پر رائل چیلنجرز بنگلورو کی طرف سے شیئر کی گئی ایک ویڈیو میں، کوہلی نے کہا، جب بھی میں اس جرسی (آر سی بی) کو پہنتا ہوں، میں اسے اپنا سب کچھ دیتا ہوں۔ میں ایک اور خاص مطاہرے کے لیے تیار ہوں۔

ویڈیو کا اشتراک کرتے ہوئے، فرنچائز نے یہ پیغام دیا کہ کوہلی اپنے گھر - بنگلورو - واپس آچکے ہیں اور ایک اور نئی کہانی لکھنے کے لیے تیار ہیں۔ ویڈیو کے کیپشن میں، آر سی بی نے لکھا: وقت گزر گیا، موسم بدل گئے، لیکن یہ شہر؟ یہ اب بھی اس کا ہے، یہ تخت؟ یہ اب بھی اس کا ہے۔

'ایک سچے بادشاہ' کے لیے ہماری محبت ہر گزرتے دن کے ساتھ مضبوط ہوتی جارہی ہے۔ ہمارا وراٹ کوہلی ایک نئی کہانی لکھنے کے لیے جہاں سے ان کا تعلق ہے، اپنے گھر، بنگلورو میں واپس آرہے ہیں۔

آئی پی ایل 2026 کا سیزن 28 مارچ سے شروع ہونے والا ہے۔ سیزن کا افتتاحی میچ دفاعی چیمپئن، رائل چیلنجرز بنگلورو اور سن رائزرز حیدرآباد کے درمیان کھیلا جائے گا۔ یہ مقابلہ بنگلورو کے ایم چناسوامی اسٹیڈیم میں ہوگا۔ آر سی بی کا مقصد اپنے ٹائٹل کا دفاع کرنا اور تاریخ کو دہرانا ہوگا۔

پچھلے سیزن میں، وراٹ کوہلی نے 15 اننگز میں 54.75 کی اوسط اور 144.71 کے اسٹرائیک ریٹ سے 657 رنز بنائے، جس میں آٹھ نصف سنچریاں شامل تھیں۔ آئی پی ایل کے 267 میچوں میں، کوہلی نے کل 8,661 رنز بنائے ہیں، جس میں آٹھ سنچریاں اور 63 نصف سنچریاں شامل ہیں۔

ہندوستھان سماچار

---------------

ہندوستان سماچار / عبدالواحد