نئی دہلی، 19 مارچ (ہ س)۔سابق ہندوستانی کرکٹر دنیش کارتک کے گھر ننھی پری آئی ہے۔ ان کی اہلیہ دپیکا پالیکل نے بیٹی کو جنم دیا ہے۔ کارتک نے یہ خوشخبری سوشل میڈیا پر ایک پوسٹ کے ذریعے مداحوں کے ساتھ شیئر کی۔ اس میں کارتک نے اپنی ننھی بیٹی کا نام بھی ظاہر کیا ہے۔

دنیش کارتک نے اپنے انسٹاگرام اکاو¿نٹ پر ایک ٹیکسٹ امیج شیئر کی، جس میں لکھا ہے، ”ہمارے دلوں میں آشیرواد اور الفاظ سے ماورا شکر گزاری کے ساتھ، ہم خوشی خوشی اپنی خوبصورت بیٹی کا دنیا میں خیرمقدم کرتے ہیں۔ کبیر اور زیان اپنی ننھی بہن سے ملنے کے لیے پرجوش ہیں۔ راہا پالیکل کارتک، سے دیپیکا اور دنیش پیار کرتے ہیں۔“

دیپیکا پالیکل دنیش کارتک کی دوسری بیوی ہیں۔ کارتک نے اپنی پہلی بیوی سے طلاق کے بعد 2015 میں اسکواش کھلاڑی دیپیکا پالیکل سے شادی کی۔ دونوں اپنے اپنے شعبوں میں کامیاب کھلاڑی ہیں۔ جوڑا تیسرے بچے کے والدین بنے ہیں۔ ان کے پہلے ہی دو بیٹے کبیر اور زیان ہیں۔ بیٹی کی آمد سے خاندان میں خوشی کی لہر دوڑ گئی۔

دنیش کارتک کے کرکٹ کیریئر کی بات کریں تو انہوں نے اپنے کیریئر کے دوران ہندوستان کے لئے 26 ٹیسٹ، 94 ون ڈے اور 60 ٹی 20 میچ کھیلے۔اس دوران انہوں نے تینوں فارمیٹس میں 3,463 رن بنائے۔ انہوں نے آئی پی ایل کے 257 میچوں میں 4,842 رن بھی بنائے۔ کارتک نے 2024 میں کرکٹ سے ریٹائرمنٹ لے لی۔ وہ فی الحال آئی پی ایل فرنچائز ی رائل چیلنجرز بنگلور کے کوچنگ اسٹاف کا حصہ ہیں۔

ہندوستھان سماچار

ہندوستان سماچار / محمد شہزاد