نئی دہلی، 17 مارچ (ہ س)۔ رائل چیلنجرز بنگلور (آر سی بی) اور سن رائزرز حیدرآباد (ایس آر ایچ) کو 2026 انڈین پریمیئر لیگ (آئی پی ایل) سے قبل بڑا جھٹکا لگا ہے۔ آسٹریلوی کھیلوں کی ویب سائٹ کوڈ اسپورٹس نے رپورٹ کیا ہے کہ آسٹریلیائی تیز گیندباز جوش ہیزل ووڈ اور پیٹ کمنز ٹورنامنٹ کے ابتدائی میچوں میں شرکت نہیں کر سکیں گے۔ دونوں کھلاڑی اس وقت اپنی انجری کے باعث بحالی کے مراحل سے گزر رہے ہیں۔

بنگلور کے اہم تیز گیند باز ہیزل ووڈ ہیمسٹرنگ اور کیلکینیل اعصابی مسائل کی وجہ سے طویل عرصے سے باہر ہیں۔ خیال کیا جاتا ہے کہ وہ کم از کم ٹیم کے پہلے دو میچوں کے لیے دستیاب نہیں ہوں گے۔ انہوں نے تقریباً پانچ ماہ سے مسابقتی کرکٹ نہیں کھیلی ہے۔ گزشتہ سیزن میں انہوں نے شاندار کارکردگی کا مظاہرہ کرتے ہوئے 12 میچوں میں 22 وکٹیں حاصل کیں اور ٹیم کی ٹائٹل جیتنے میں اہم کردار ادا کیا۔حیدرآباد کے کپتان پیٹ کمنز کمر کی تکلیف میں مبتلا ہیں اور وہ 28 مارچ کو بنگلور کے خلاف پہلے میچ میں شرکت نہیں کریں گے۔ اس کی واپسی ابھی تک واضح نہیں ہے۔ ایسے میں ایشان کشن ابتدائی میچوں میں کپتانی سنبھال سکتے ہیں۔ کمنز نے اپنے آئی پی ایل کیریئر میں اب تک 72 میچوں میں 79 وکٹیں حاصل کی ہیں۔ گزشتہ دو سیزن میں اس نے حیدرآباد کے لیے 30 میچوں میں 34 وکٹ لیے ہیں۔ دونوں اہم فاسٹ باو¿لرز کی عدم موجودگی سے ٹورنامنٹ کے ابتدائی مراحل میں دونوں ٹیموں کی کارکردگی متاثر ہونے کی امید ہے۔

ہندوستھان سماچار

ہندوستان سماچار / Mohammad Khan