اداکار سدھارتھ ملہوترا ایک بار پھر پروڈیوسر کرن جوہر کے ساتھ نئی فلم کے لیے کام کرنے والے ہیں۔ ذرائع کے مطابق دھرما پروڈکشن کے بینر تلے بننے والی اس فلم کے لیے بات چیت آخری مراحل میں ہے اور اس کا باضابطہ اعلان جلد متوقع ہے۔

سدھارتھ کو آخری بار فلم ”پرم سندری“ میں دیکھا گیا تھا جبکہ فی الحال وہ اپنی آنے والی فلم ”ون: فورس آف دی فاریسٹ“ میں مصروف ہیں، جس کا اعلان 2024 میںکیا گیا تھا۔ وہ اس سے قبل فلم ”یودھا“ میں نظر آئے تھے، جسے دھرما پروڈکشن نے تیار کیا تھا۔

نئی فلم میں پیچیدہ تعلقات کی کہانی

ذرائع کے مطابق، کرن جوہر اسٹوڈیو سدھارتھ کے ساتھ دوبارہ کام کرنے کے لیے پرجوش ہے اور خیال کیا جاتا ہے کہ فلم کی کہانی ان کی شخصیت کے مطابق ہے۔ یہ مبینہ طور پر پیچیدہ رشتوں کے گرد گھومنے والا ایک جذباتی ڈرامہ ہوگا۔

شوٹنگ گرمیوں میں شروع ہو سکتی ہے

اگر سب کچھ منصوبہ بندی کے مطابق ہوتا ہے تو، فلم کی شوٹنگ ممبئی میں 2026 کے موسم گرما میں شروع ہونے کی امید ہے۔ اس پروجیکٹ کی ہدایت کاری شرن شرما کریں گے، جو ”گنجن سکسینہ“ اور ”مسٹر اینڈ مسز ماہی“ جیسی فلموں کے لیے مشہور ہیں۔

غور طلب ہے کہ کرن جوہر نے سدھارتھ ملہوترا کو ’اسٹوڈنٹ آف دی ایئر‘ سے بالی ووڈ میں لانچ کیا تھا۔ دونوں کے درمیان یہ ممکنہ تعاون ایک بار پھر سامعین میں نمایاں جوش و خروش پیدا کر رہا ہے۔

ہندوستھان سماچار

ہندوستان سماچار / محمد شہزاد