نئی دہلی، 15 مارچ (ہ س)۔ جے کے بوس انٹر زونل ٹی 20 کرکٹ ٹرافی میں — جو اسپورٹس جرنلسٹس فیڈریشن آف انڈیا (ایس جے ایف آئی) کی گولڈن جوبلی نیشنل کانفرنس کے حصے کے طور پر کھیلی جا رہی ہے — نارتھ زون نے شاندار کارکردگی کے بعد ٹائٹل کی طرف مضبوط قدم اٹھایا ہے۔ روشنارا کرکٹ گراو¿نڈ میں اتوار کو کھیلے گئے میچ میں نارتھ زون نے ساو¿تھ زون کو 10 وکٹوں سے عبرتناک شکست دی جس میں رشبھ سنگھ کی ناقابل شکست سنچری فیصلہ کن ثابت ہوئی۔

دن کے پہلے میچ میں جنوبی زون نے پہلے بیٹنگ کرتے ہوئے مقررہ 20 اوور میں 4 وکٹوں کے نقصان پر 187 رن بنائے۔ شیوا کرشنا نے 89 رنوںکی شاندار اننگز کھیلی، جب کہ وی ایل ششانک نے 50 رن بنائے۔

ہدف کے تعاقب میں نارتھ زون نے بغیر کوئی وکٹ کھوئے 18.2 اوورمیں 188 رن بنا کر میچ جیت لیا۔ رشبھ سنگھ نے 54 گیندوں پر 100 رنوں کی شاندار ناقابل شکست اننگز کھیلی۔ ٹیم کے کپتان آکاش راول 38 رن بنانے کے بعد ریٹائر ہرٹ ہو گئے جب کہ امیت 33 رن بنا کر ناقابل شکست لوٹے۔

دہلی پولیس گراو¿نڈ میں منعقدہ دوسرے میچ میں ویسٹ زون نے یکطرفہ مقابلے میں ایسٹ زون کو 10 وکٹوں سے شکست دی۔ ایسٹ زون نے پہلے بیٹنگ کرتے ہوئے مقررہ 20 اوورمیں 7 وکٹوں کے نقصان پر 132 رن بنائے۔ سندیپ مشرا نے 37 اور ساکل سندا نے 35 رن بنائے۔ ویسٹ زون کی جانب سے دیویندر پانڈے نے دو وکٹیں حاصل کیں۔

جواب میں ویسٹ زون نے بغیر کسی وکٹ کے نقصان کے 12.2 اوورمیں 133 رن بنا کر میچ جیت لیا۔ طاو¿س رضوی نے ناقابل شکست 58 رنز بنائے جبکہ دیویندر پانڈے 50 رن کے ساتھ ناٹ آو¿ٹ رہے۔ نارتھ زون کا اگلا میچ اب پیر کو ایسٹ زون کے خلاف شیڈول ہے، اور اس میچ میں فتح انہیں ٹرافی دلا سکتی ہے۔ مختصر اسکور: جنوبی زون: 187/4 (20 اوور) – شیوا کرشنا 89، وی ایل ششانک 50۔ نارتھ زون: 188/0 (18.2 اوور) – رشبھ سنگھ 100*، آکاش راول 38 (ریٹائرڈ ہرٹ)، امیت 33*۔ نارتھ زون 10 وکٹوں سے جیت گیا۔

ایسٹ زون: 132/7 (20 اوور) – سندیپ مشرا 37، ساکل سندھا 35؛ دیویندر پانڈے 2/16۔ ویسٹ زون: 133/0 (12.2 اوور) – طاو¿س رضوی 58*، دیویندر پانڈے 50*۔ ویسٹ زون 10 وکٹوں سے جیت گیا۔

ڈی ایس جے اے-1 اور ایس جے اے ایم-1 ٹیمیں ٹیبل ٹینس ٹیم ایونٹ کے فائنل میں پہنچ گئیں۔ ادھر روشنارا کلب میں منعقدہ ٹیبل ٹینس ٹیم ایونٹ میں ڈی ایس جے اے-1 اور ایس جے اے ایم-1 کی ٹیمیں فائنل میں پہنچ گئی ہیں۔ ڈی ایس جے اے-1 ٹیم — جس میں کشان سرکار، بھرت شرما، اور نورس پریتم شامل تھے — نے بنگلورو کی اسپورٹس رائٹرز ایسوسی ایشن (ایس ڈبلیو اے بی-1) کو شکست دی۔ ایس جے اے ایم-1 ٹیم - جس میں امول کرہڈکر، اشون فیرو، اور اکوش دھوارے شامل تھے - نے تمل ناڈو اسپورٹس جرنلسٹس ایسوسی ایشن (ٹی این ایس جے اے-1) کو شکست دی۔ دونوں ٹیموں کے درمیان فائنل میچ پیر کو اسی مقام پر کھیلا جائے گا۔

---------------

ہندوستان سماچار / عبدالسلام صدیقی