جموں، 14 مارچ (ہ س)۔ ہندوستانی کرکٹ ٹیم کے نوجوان کھلاڑی ابھیشیک شرما نے حال ہی میں جموں کے مشہور مذہبی مقام ماتا ویشنو دیوی مندر کٹرا کا دورہ کیا۔ یہ دورہ اس وقت کیا گیا جب چند روز قبل ہندوستان نے مردوں کے آئی سی سی مینز ٹی ٹوئنٹی ورلڈ کپ 2026 کا خطاب جیتا تھا۔

ابھیشیک شرما نے انسٹاگرام پر مندر کے دورے کی تصاویر شیئر کیں اور پوسٹ کے کیپشن میں صرف جے ماتا دی لکھا۔ تصاویر میں وہ یاترا کے راستے پر سفید کرتا پاجامہ پہنے، ماتھے پر تلک لگائے اور ہاتھ جوڑے کھڑے نظر آئے۔

واضح رہے کہ ابھیشیک شرما نے فائنل میچ میں نیوزی لینڈ کرکٹ ٹیم کے خلاف اہم کردار ادا کیا۔ ٹورنامنٹ کے آغاز میں مشکل مرحلے کے بعد انہوں نے فیصلہ کن اننگز کھیلتے ہوئے 21 گیندوں پر 52 رنز بنائے، جس میں چھ چوکے اور تین چھکے شامل تھے۔ ان کی اس شاندار کارکردگی نے بھارت کو پہلی اننگز میں مضبوط آغاز فراہم کیا۔

ادھر انٹرنیشنل کرکٹ کونسل کی جانب سے بدھ کو جاری کردہ تازہ ترین ٹی ٹوئنٹی بیٹنگ رینکنگ میں بھی ابھیشیک شرما نے اپنی پہلی پوزیشن برقرار رکھی ہے۔

قابل ذکر ہے کہ سوریہ کمار یادو کی قیادت میں ٹیم نے 8 مارچ کو احمد آباد میں کھیلے گئے فائنل میں نیوزی لینڈ کو 96 رنز سے شکست دے کر مسلسل دوسری بار ٹی-20 ورلڈ کپ جیتا اور ٹورنامنٹ کی تاریخ میں تین مرتبہ یہ خطاب جیتنے والی پہلی ٹیم بن گئی۔

ہندوستھان سماچار

---------------

ہندوستان سماچار / محمد اصغر