نئی دہلی، 13 مارچ (ہ س)۔

ڈیٹا پروٹیکشن ایکٹ کو چیلنج کرنے والی ایک اور عرضی پر سماعت کرتے ہوئے سپریم کورٹ نے مرکزی حکومت کو نوٹس جاری کیا۔ چیف جسٹس سوریہ کانت کی سربراہی والی بنچ نے درخواست کو دیگر زیر التوا عرضیوں کے ساتھ ٹیگ کرنے کا حکم دیا۔

نئی درخواست انجلی بھردواج اور امرتا جوہری نے دائر کی تھی۔ درخواست میں ڈیٹا پروٹیکشن ایکٹ کی بعض دفعات پر روک لگانے کی استدعا کی گئی ہے۔ اس سے پہلے 16 فروری کو عدالت نے ڈیٹا پروٹیکشن ایکٹ کو چیلنج کرنے والی عرضیوں کے بیچ کی سماعت کرتے ہوئے مرکزی حکومت کو نوٹس جاری کیا تھا۔ عدالت نے کہا کہ معاملہ حساس ہے اور دونوں قوانین کے درمیان توازن کی ضرورت ہے۔ عدالت نے عرضی گزار وینکٹیش نائک، دی رپورٹرز کلیکٹو اور صحافی نتن سیٹھی کی طرف سے دائر درخواستوں پر نوٹس جاری کیا۔

درخواستوں میں کہا گیا ہے کہ نیا ڈیٹا پروٹیکشن ایکٹ حق اطلاعات قانون کو بری طرح کمزور کرتا ہے اور اس معاملے میں مرکزی حکومت کو لامحدود اختیارات دیتا ہے۔ سماعت کے دوران درخواست گزار کی وکیل ورندا گروور نے کہا کہ قانون رازداری کے تحفظ میں مکمل طور پر ناکام ہے۔ انہوں نے کہا کہ چھینی استعمال کرنے کے بجائے ہتھوڑا استعمال کیا گیا ہے۔

ہندوستھان سماچار

ہندوستان سماچار / عطاءاللہ