آسٹریلیا نے تین میچوں کی ون ڈے سیریز میں کلین سویپ مکمل کر لیا

ہوبارٹ، یکم مارچ (ہ س)۔

آسٹریلیا کی کپتان ایلیسا ہیلی نے اپنے آخری ون ڈے میچ میں 158 رنز کی دھماکہ خیز اننگز کھیلی، جس سے ٹیم نے ہندوستان کے خلاف 185 رنز کی زبردست فتح حاصل کی۔ اس جیت کے ساتھ ہی آسٹریلیا نے ہندوستان کے خلاف تین میچوں کی ون ڈے سیریز 3-0 سے جیت لی۔

بیلریو اوول میں کھیلے گئے میچ میں آسٹریلیا نے مقررہ 50 اوورز میں 7 وکٹوں پر 409 رنز بنائے جو اس کا گھریلو سرزمین پر 400 سے زائد کا پہلا سکور تھا۔ ہیلی کے علاوہ بیتھ مونی نے 84 گیندوں پر ناٹ آو¿ٹ 106 رنز بنائے۔

نکولا کیری نے بالآخر 15 گیندوں پر ناٹ آو¿ٹ 34 رنز بنائے۔

ہندوستان کے لیے سب سے زیادہ شراکت اسنیہ رانا (44) نے کی لیکن ٹیم 45.1 اوور میں 224 رنز پر ڈھیر ہوگئی۔ آسٹریلیا کی جانب سے الانا کنگ نے چار وکٹیں حاصل کیں اور ہندوستانی بیٹنگ کو تہس نہس کردیا۔

بھارتی کپتان ہرمن پریت کور نے ٹاس جیت کر پہلے گیند بازی کا فیصلہ کیا۔ ہیلی نے 98 گیندوں پر 158 رنز بنائے اور اپنی سنچری 79 گیندوں میں مکمل کی۔ یہ ان کی آٹھویں ون ڈے سنچری تھی۔ اپنی اننگز کے دوران انہوں نے کئی ریکارڈ اپنے نام کیے۔

410 رنز کے ہدف کے تعاقب میں بھارت کی شروعات خراب رہی۔ اسمرتی مندھانا اپنا کھاتہ کھولے بغیر ہی آو¿ٹ ہوگئیں۔ جمائمہ روڈریگس (42 رنز) نے کچھ جارحانہ شاٹس کھیلے لیکن وقفے وقفے سے وکٹیں گرتی رہیں۔ ہرلین دیول (14 رنز) رن آو¿ٹ ہوئیں، اور ہرمن پریت کور 25 رنز بنا کر آو¿ٹ ہوئیں۔

مڈل آرڈر میں دپتی شرما (29 رنز) اور اسنیہ رانا نے کچھ دیر جدوجہد کی، لیکن ہدف بہت زیادہ تھا۔ بالآخر آسٹریلوی گیند بازوں نے بھارت کو 46ویں اوور میں آو¿ٹ کر دیا۔

اس جیت کے ساتھ ہی آسٹریلیا نے ملٹی فارمیٹ کی سیریز میں 8-4 کی برتری حاصل کر لی ہے اور دونوں ٹیمیں اب پرتھ میں کھیلے جانے والے واحد ٹیسٹ میچ کی تیاری کریں گی۔

ہندوستھان سماچار

ہندوستان سماچار / عطاءاللہ