پراگ، یکم مارچ (ہ س) ۔

عالمی چمپئن ڈی گوکیش کی اپنی پہلی جیت کی تلاش پراگ انٹرنیشنل شطرنج فیسٹیول کے چوتھے راؤنڈ میں بھی جاری رہی۔ انہیں چیک گرینڈ ماسٹر ڈیوڈ نوارا نے ڈرا کرایا۔ ڈی گوکیش نے روئے لوپیز برلن اوپننگ میں فائدہ حاصل کرنے کی کوشش کی، لیکن تجربہ کار ڈیوڈ نوارا نے درست دفاع کیا۔ 72 چالوں کے بعد میچ ڈرا پر ختم ہوا۔

اسی دن ہالینڈ کے جارڈن وین فاریسٹ نے شاندار کارکردگی کا مظاہرہ کرتے ہوئے چار میچوں میں تیسری جیت درج کی۔ انہوں نے ازبکستان کے نودیربیک یاکوبوئیف کو شکست دی۔ دفاعی چیمپئن اروند چتامبرم کو جرمنی کے ونسنٹ کیمر کے خلاف شکست کا سامنا کرنا پڑا۔ دیگر میچوں میں امریکہ کے ہنس موک نیمن اور ایران کے پارہم میگسودلو کے درمیان میچ برابری پر ختم ہوا۔ اسپین کے ڈیوڈ اینٹون گیجرو اور ازبکستان کے نودیربیک عبدالسطوروف نے بھی پوائنٹس کا اشتراک کیا۔

پوائنٹس ٹیبل پر جارڈن وان فاریسٹ تین پوائنٹس کے ساتھ سرفہرست ہیں۔ نودیربیک عبدالسطوروف اور ڈیوڈ نوارا ڈھائی پوائنٹس کے ساتھ دوسرے نمبر پر ہیں۔نودیر بیک یاقوبوئیف،ونسینٹ کیمر اور ڈیوڈ اینٹون گوئجارو ان سے نصف نمبر پیچھے ہیں۔ ڈی گوکیش، اروند چتامبرم، ہنس موک نیمن، اور پرہم مگسوڈلو 1.5 پوائنٹس کے ساتھ ساتویں نمبر پر ہیں۔ اروند چتامبرم نے فلیڈور ڈیفنس اپنایا ، لیکن ونسنٹ کیمر نے کنگ سائیڈ اٹیک کے ساتھ برتری حاصل کی۔ ہندوستانی کھلاڑی نے ایک پیادہ اور پھر ایک اونٹ کھو دیا جس کی وجہ سے اس کی بازیابی ناممکن ہو گئی۔

ہندوستھان سماچار

ہندوستان سماچار / عطاءاللہ