نئی دہلی، 28 فروری (ہ س)۔

فٹ انڈیا سنڈیز آن سائیکل کے 63ویں ایڈیشن میں ایکم مارچ کو اولمپیئن ایتھلیٹ جنسن جانسن اور شوٹر انیش بھان والا توجہ کا مرکز ہوں گے۔ جنسن جانسن، جنہوں نے 2016 کے اولمپکس میں ہندوستان کی نمائندگی کی تھی اور 1500 میٹر (3:35.24) میں قومی ریکارڈ اپنے نام کیا تھا، وشاکھا پٹنم یں خوبصورت آر کے بیچ پر نعقد سائیکلنگ مہم میں حصہ لیں گے۔

جانسن نے 2018 کے ایشین گیمز میں 1500 میٹر میں طلائی اور 800 میٹر میں چاندی کا تمغہ جیتا تھا۔ انہوں نے 2022 کے ایشیائی کھیلوں میں 1500 میٹر میں چاندی کا تمغہ بھی جیتا، جس سے وہ ہندوستان کے سب سے کامیاب درمیانی دوری کے رنرز میں سے ایک بنگئے۔

نئی دہلی میں بھی ایک خصوصی تقریب منعقد کی جائے گی۔

نئی دہلی میں سائیکلنگ کا ایونٹ ممتاز ڈاکٹر شیاما پرساد مکھرجی سوئمنگ پول کمپلیکس میں منعقد ہوگا۔ انیش بھان والا کے ساتھ باصلاحیت فینسر تنیشکا کھتری شامل ہوں گی۔ یہ تقریب وزارت داخلہ کے فائر اینڈ ایمرجنسی ڈیپارٹمنٹ کے تعاون سے منعقد کی جا رہی ہے۔

انیش بھان والا 2018 کے کامن ویلتھ گیمز میں گولڈ میڈلسٹ ہیں اور انہوں نے آئی ایس ایس ایف ورلڈ چمپئن شپ میں چاندی کے تمغے جیتے ہیں (قاہرہ 2022 – مکسڈ ٹیم، قاہرہ 2025 – انفرادی)۔ انہوں نے 2022 کے ایشین گیمز (ہانگزو) میں ٹیم ایونٹ میں کانسی کا تمغہ بھی جیتا تھا۔ تنیشکا کھتری 2022 کے ایشیائی کھیلوں میں کوارٹر فائنل تک پہنچنے والی پہلی ہندوستانی ایپی فینسر تھیں۔ فٹ انڈیا کی سفیر نینسی اور مشہور زومبا انسٹرکٹر اور ویل نیس کوچ آکانکشا ٹیگوترا بھی موجود رہیں گی۔

یہ مہم ایک عوامی تحریک کی شکل اختیار کر چکی ہے

فٹ انڈیا سنڈے آن سائیکل کا آغاز دسمبر 2024 میں نوجوانوں کے امور اور کھیل کے مرکزی وزیر ڈاکٹر منسکھ مانڈویہ نے کیا تھا۔ یہ اقدام اب ایک مضبوطعوامی تحریک بن چکا ہے، جس میں ملک بھر میں 2.5 لاکھ سے زیادہ مقامات پر 2.5 ملین سے زیادہ شہریوں نے حصہ لیا ہے۔ یہ مہم وزیر اعظم نریندر مودی کی طرف سے 29 اگست 2019 کو شروع کی گئی فٹ انڈیا موومنٹ کے تحت چلائی جا رہی ہے۔

ہندوستھان سماچار

ہندوستان سماچار / عطاءاللہ