نئی دہلی، 28 فروری (ہ س)۔

پبلک سیکٹر گیس کمپنی گیل (انڈیا) لمیٹڈ مہاراشٹر میں ہوا سے بجلی پیدا کرنے کے منصوبے کے قیام کے لیے 1,736.25 کروڑ کی سرمایہ کاری کرے گی۔ کمپنی کا مقصد 2035 تک خالص صفر کاربن کے اخراج کو حاصل کرنا ہے۔ یہ سرمایہ کاری اس کے قابل تجدید توانائی کے پورٹ فولیو کو وسعت دینے کی جانب ایک قدم ہے۔

گیل نے ہفتے کے روز اسٹاک ایکسچینج کو مطلع کیا کہ اس کے بورڈ آف ڈائریکٹرز نے جمعہ کو ہونے والی میٹنگ میں 178.2 میگاواٹ کے ونڈ پاور پروجیکٹ کے قیام کے لیے سرمایہ کاری کی تجویز کی منظوری دی۔ یہ پروجیکٹ، کنٹریکٹ ایوارڈ کے 24 ماہ کے اندر مکمل ہونے کی امید ہے، کمپنی کے 117.95 میگاواٹ کے موجودہ پورٹ فولیو میں اضافہ کرے گا۔

کمپنی کے پاس راجستھان، اتر پردیش اور مدھیہ پردیش میں 27 میگاواٹ کے شمسی توانائی کے منصوبے بھی ہیں۔ فی الحال،گیل کے گجرات میں 19.2 میگاواٹ، کرناٹک میں 38.1 میگاواٹ، اور تمل ناڈو میں 60.65 میگاواٹ کے ونڈ پاور پروجیکٹ ہیں۔ گیل ہندوستان کی سب سے بڑی قدرتی گیس کی ترسیل اور مارکیٹنگ کمپنی ہے، جس کا قدرتی گیس پائپ لائن نیٹ ورک تقریباً 18,001 کلومیٹر ہے۔

ہندوستھان سماچار

ہندوستان سماچار / عطاءاللہ