رشمیکا مندانا اور وجے دیور کونڈا اپنی شادی کے بعد شوہر اور بیوی کے طور پر ادے پور سے واپس آئے۔ ایئرپورٹ پر پیپرازیوں نے نوبیاہتا جوڑے کو کیمرے میں قید کر لیا۔ سرخ کڑھائی والے سوٹ میں ملبوس، رشمیکا ایک نوبیاہتا دلہن کے طور پر شاندار لگ رہی تھی، جب کہ وجے سفید لباس اور دھوپ کے چشموں میں نظر آئے۔ دونوں ہاتھ پکڑے ایئرپورٹ پہنچے، جہاں انہیں مبارکباد دینے کے لیے لوگوں کا ہجوم جمع ہوگیا۔

جھک کر شائقین کے نیک خواہشات کا اظہار کیا

جب یہ جوڑا سخت سکیورٹی کے درمیان ہوائی اڈے پر پہنچا تو ہجوم کی جانب سے زبردست تالیوں اور مبارکبادوں سے ان کا استقبال کیا گیا۔ رشمیکا اور وجے نے سب کو جھک کر اور ہاتھ جوڑ کر سلام کیا۔ ویڈیو میں، کچھ لوگوں کو رشمیکا دیور کونڈا کے نعرے لگاتے ہوئے سنا گیا، جس پر اداکارہ کو مسکراتے ہوئے اور شرماتے ہوئے دیکھا گیا۔

4 مارچ کو حیدرآباد میں استقبالیہ کا انعقاد

قابل ذکر ہے کہ جوڑے نے 26 فروری کو خاندان اور قریبی دوستوں کی موجودگی میں روایتی تیلگو رسومات کے ساتھ شادی کی۔ شام کو کوڈاوا روایت میں رسومات بھی ادا کی گئیں۔ بتایا جاتا ہے کہ 4 مارچ کو حیدرآباد میں ایک استقبالیہ کا انعقاد کیا جائے گا جس میں فلم، کھیل اور سیاسی دنیا کی کئی مشہور شخصیات شرکت کر سکتی ہیں۔ ذرائع کے مطابق تقریب میں نریندر مودی اور امیت شاہ کو بھی مدعو کیا گیا ہے۔

ہندوستھان سماچار

ہندوستان سماچار / عطاءاللہ