نئی دہلی، 27 فروری (ہ س) ۔ہندوستانی کرکٹ ٹیم کے بلے باز رنکو سنگھ کے والد خان چند سنگھ کا جمعہ کی صبح 4:36 بجے گریٹر نوئیڈا کے یتھارتھ اسپتال میں انتقال ہوگیا۔ ان کی عمر 60 سال تھی اور وہ جگر کے کینسر میں مبتلا تھے۔بھارتی کرکٹ کنٹرول بورڈ کے جوائنٹ سکریٹری دیوجیت سائکیا کے مطابق رنکو سنگھ چنئی میں ٹیم کیمپ چھوڑ کر اپنے والد کی آخری رسومات میں شرکت کے لیے وطن واپس پہنچ گئے ہیں۔

دیوجیت سائکیا نے رنکو سنگھ کے والد کے انتقال پر گہرے دکھ کا اظہار کیا اور کہا کہ بورڈ اس مشکل وقت میں رنکو اور ان کے خاندان کے ساتھ کھڑا ہے۔بی سی سی آئی کے نائب صدر راجیو شکلا نے سوشل میڈیا پر ایک پیغام میں کہا: کرکٹر رنکو سنگھ کے والد کے انتقال کی خبر گہرا دکھ پہنچانے والی ہے۔ میری گہری تعزیت اس مشکل وقت میں رنکو سنگھ اور ان کے پورے خاندان کے ساتھ ہے۔بھگوان آنجہانی کی آتما کو شانتی دے اور سوگوار خاندان کو یہ عظیم نقصان برداشت کرنے کی طاقت دے۔

سابق آل راو¿نڈر یوراج سنگھ نے لکھا کہ یہ خبر دل دہلا دینے والی ہے اور ایسے وقت میں الفاظ کافی نہیں ہیں، لیکن پوری کرکٹ برادری رنکو اور ان کے خاندان کے ساتھ مضبوطی سے کھڑی ہے۔سابق اسپنر ہربھجن سنگھ نے کہا کہ یہ رنکو اور ان کے خاندان کے لیے بہت مشکل وقت ہے اور انھوں نے مرحوم کی روح کی سکون اور اہل خانہ کے لیے ہمت کی دعا کی۔

سابق دھماکہ خیز بلے باز وریندر سہواگ نے اپنے پیغام میں کہا، رنکو، آپ کے والد کے انتقال کا سن کر مجھے بہت دکھ ہوا، انہوں نے ایک مضبوط اور شاندار بیٹے کی پرورش کے لیے بہت سی قربانیاں دیں، اور یہی ان کی سب سے بڑی میراث ہے۔ مضبوط رہو، میری دعائیں آپ اور آپ کے خاندان کے ساتھ ہیں۔

سابق کرکٹر سریش رائنا نے لکھا، ’بھائی، آپ کے والد کے انتقال کی خبر سے مجھے بہت دکھ ہوا ہے۔ براہ کرم میری دلی تعزیت قبول کریں۔ ان کی آتما کو شانتی ملے اوربھگوان اس مشکل وقت میں آپ کو طاقت دے۔شیکھر دھون نے کہا کہ وہ غم کی اس گھڑی میں رنکو اور ان کے اہل خانہ کے ساتھ ہیں اور آنجہانی کی آتما کی سلامتی کے لیے دعاگو ہیں۔آئی پی ایل فرنچائز چنئی سپر کنگز نے بھی ایک پیغام میں اپنی گہری تعزیت کا اظہار کرتے ہوئے کہا کہ اس مشکل وقت میں ان کی دعائیں رنکو اور ان کے اہل خانہ کے ساتھ ہیں۔

رنکو کے والد خان چند سنگھ علی گڑھ میں ایل پی جی سلنڈر ڈسٹری بیوٹر کے طور پر کام کرتے تھے۔ کرکٹ کی دنیا کی جانب سے دلی خراج تحسین کے درمیان، پوری قوم دکھ کی اس گھڑی میں رنکو سنگھ اور ان کے خاندان کے ساتھ کھڑی ہے۔

ہندوستھان سماچار

ہندوستان سماچار / Mohammad Khan