کرکٹ کی تاریخ میں جب بھی عظیم ترین بلے باز کا ذکر ہوتا ہے، تو سب سے پہلے نام آتا ہے سر ڈان بریڈمین کا۔ آسٹریلیا کے اس قدآور نے اپنی کارکردگی سے ایسا معیار قائم کیا، جسے آج تک کوئی بلے باز چھو بھی نہیں سکا۔ 25 فروری 2001 کو 92 سال کی عمر میں انہوں نے آخری سانس لی، لیکن ان کے ریکارڈ آج بھی زندہ ہیں۔
بریڈمین نے 1928 سے 1948 کے درمیان 52 ٹیسٹ میچوں میں 99.94 کی ناقابل یقین اوسط سے 6,996 رن بنائے۔ ٹیسٹ کرکٹ میں یہ اوسط آج بھی اٹوٹ ہے اور جدید دور کے تمام عظیم بلے باز اس کے آس پاس بھی نہیں پہنچ سکے۔ ان کا کیریئر ایسے دور میں چمکا جب نہ تو جدید حفاظتی آلات تھے اور نہ ہی پچیں بلے بازوں کے موافق سمجھی جاتی تھیں۔
انگلینڈ کے خلاف ان کی بلے بازی خاص طور پر قابل ذکر رہی۔ ایشیز مقابلوں میں انہوں نے 19 سنچریاں بنائیں اور کئی بار اکیلے دم پر میچ کا رخ بدل دیا۔ 1930 میں انگلینڈ کے دورے پر انہوں نے لیڈز میں 334 رنوں کی تاریخی اننگز کھیلی۔ اس وقت ٹرپل سنچری بنانا کسی خواب سے کم نہیں تھا۔ بعد میں یہ ریکارڈ بھلے ہی ٹوٹا، لیکن اس دور میں یہ کامیابی بے مثال تھی۔
بریڈمین نے 1934 میں بھی انگلینڈ کے خلاف 304 رن بنا کر ایک اور ٹرپل سنچری لگائی اور ثابت کیا کہ ان کی صلاحیت کوئی اتفاق نہیں، بلکہ غیر معمولی قابلیت کا نتیجہ تھی۔ ان کی تکنیک، توجہ اور رن بنانے کی بھوک نے انہیں کرکٹ کا ’’ڈان‘‘ بنا دیا۔ آج، ان کے انتقال کے سالوں بعد بھی 99.94 کی اوسط کرکٹ شائقین کے لیے ایک دیومالائی کہانی جیسی ہے-ایک ایسی بلندی، جسے چھونا تقریباً ناممکن معلوم ہوتا ہے۔
دیگر اہم واقعات:
1586 - اکبر کے درباری شاعر بیربل باغی یوسف زئی کے ساتھ ایک لڑائی میں مارے گئے۔
1788 - پٹس ریگولیٹری ایکٹ منظور کیا گیا۔
1921 - جارجیا کے دارالحکومت تبلیسی پر روس نے قبضہ کیا۔
1925 - جاپان اور سابق سوویت یونین کے درمیان سفارتی تعلقات قائم ہوئے۔
1945 - دوسری جنگ عظیم میں ترکیہ نے جرمنی کے خلاف جنگ کا اعلان کیا۔
1952 - ناروے کے دارالحکومت اوسلو میں چھٹے سرمائی اولمپک کھیلوں کا اختتام ہوا۔
1760 - لارڈ کلائیو نے پہلی بار ہندوستان چھوڑا اور 1765 میں واپس آئے۔ رابرٹ کلائیو ایسٹ انڈیا کمپنی کی طرف سے ہندوستان کے پہلے گورنر جنرل تھے۔
1962 - ملک کے تیسرے لوک سبھا انتخابات میں کانگریس کی جیت ہوئی۔ جواہر لعل نہرو تیسری بار وزیر اعظم بنے۔
1964 - عالمی شہرت یافتہ مکے باز محمد علی، جنہیں اس وقت کیسیئس کلے کے نام سے جانا جاتا تھا، نے سونی لسٹن کو ساتویں راونڈ میں ہرا کر ورلڈ ہیوی ویٹ کا خطاب اپنے نام کیا۔
1975 - سعودی عرب کے اس وقت کے حکمراں شاہ فیصل کو ان کے ہی بھتیجے فیصل بن مساعد نے قتل کر دیا تھا۔
1980 - برطانوی اولمپک ایسوسی ایشن نے برطانوی حکومت کی مخالفت اور دباو کے باوجود اسی سال جولائی میں ماسکو میں ہونے والے اولمپک کھیلوں میں شامل ہونے کا فیصلہ کیا تھا۔
1964 - عالمی شہرت یافتہ مکے باز محمد علی، جنہیں اس وقت کیسیئس کلے کے نام سے جانا جاتا تھا، نے سونی لسٹن کو ساتویں راونڈ میں ہرا کر ورلڈ ہیوی ویٹ کا خطاب اپنے نام کیا۔
1966 - جسمانی طور پر معذور سماجی کارکن کے وی رابعہ پیدا ہوئیں۔
1988 - سطح سے سطح پر مار کرنے والے ہندوستان کے پہلے میزائل پرتھوی کا کامیاب تجربہ ہوا۔
1995 - آسام میں ٹرین میں دو بم دھماکے ہوئے۔ فوج کے 22 جوانوں کی موت۔
2000 - روس کے ایوان زیریں ڈوما کے ذریعے ہندوستان کے ساتھ دو طرفہ حوالگی کے معاہدے کی منظوری۔
2003 - غیر وابستہ ممالک کی تحریک کے 13ویں سربراہی اجلاس میں 'کوالالمپور اعلامیہ منظور۔
2006 - دیپا مہتا کی فلم واٹر کو گولڈن کناری ایوارڈ ملا۔
2008 - ایچ ڈی ایف سی اور سینچورین بینک آف پنجاب کے انضمام کے لیے حصص کے تناسب کو منظوری دی گئی۔
2008 - فلم نو کنٹری فار اولڈ مین کو 80ویں آسکر اکیڈمی میں سال کی بہترین فلم منتخب کیا گیا۔
2009 - سابق فوجی افسر دھیرج ملہوترا آئی پی ایل ٹورنامنٹ کے ڈائریکٹر مقرر ہوئے۔
2010 - 2008 کے ممبئی حملے کے بعد پہلی بار ہندوستان-پاکستان کے وزرائے خارجہ کے درمیان بات چیت ہوئی۔
2011 - ہندوستانی فوج نے جھارکھنڈ میں جاری 34ویں قومی کھیلوں میں 62 طلائی تمغوں کے ساتھ فہرست میں پہلا مقام برقرار رکھا ہے، جبکہ منی پور نے تمام تر اتار چڑھاو کے بعد دوسرا مقام حاصل کر لیا ہے۔
ہندوستھان سماچار
---------------
ہندوستان سماچار / انظر حسن
