واشنگٹن،22فروری(ہ س)۔بین الاقوامی اولمپک کمیٹی (آئی او سی) نے ہفتے کے روز کہا کہ غزہ میں ایک سرمایہ کاری پروگرام کے لیے فیفا کی حمایت بین الاقوامی فیڈریشن کے کردار کو مدِنظر رکھتے ہوئے تھی۔آئی او سی کی صدر کرسٹی کوونٹری نے جمعہ کے روز کہا کہ وہ اس بات سے لاعلم تھیں کہ فیفا کے صدر گیانی انفینٹینو نے جمعرات کو واشنگٹن میں امریکی صدر ڈونلڈ ٹرمپ کے ساتھ بورڈ آف پیس کے پہلے اجلاس میں شرکت کی تھی۔فٹ بال کے عالمی سربراہ انفینٹینو جو آئی او سی کے رکن بھی ہیں، نے اجلاس کا استعمال یہ اعلان کرنے کے لیے کیا کہ فٹ بال کی جو سہولیات غزہ میں جنگ کے دوران تباہ ہو گئیں، ان کی تعمیرِ نو کے لیے تنظیم 75 ملین ڈالر کے فنڈ کی سربراہی کرے گی۔

وہ سٹیج پر سرخ ٹوپی پہنے نمودار ہوئے جس کے سامنے یو ایس اے اور 45-47 کے اعداد لکھے تھے جو ٹرمپ کی دو صدارتوں کا حوالہ دیتے ہیں۔آئی او سی کے ترجمان نے اے ایف پی کو بتایا، آئی او سی فیفا کے ساتھ رابطے میں ہے۔ ہم اس بات کو سمجھتے ہیں کہ فیفا فٹ بال کے ذریعے غزہ، فلسطین میں کھیلوں کے بنیادی ڈھانچے، تعلیم اور اعلیٰ ترقی کی تجاویز فراہم کر کے کھیلوں کی بحالی کے ایک جامع پروگرام کی حمایت کر رہا ہے۔نیز کہا، یہ مکمل طور پر کھیلوں کی ایک بین الاقوامی فیڈریشن کے کردار کو مدِنظر رکھتے ہوئے کیا جا رہا ہے۔ او آئی سی جو ہماری ترقی کا بنیادی عنصر ہے، بذریعہ اولمپک یکجہتی خطے میں کھیلوں کی ترقی کی حمایت کرتا رہا اور کر رہا ہے۔جیسا کہ میکسیکو اور کینیڈا کے ساتھ امریکہ اس سال کے ورلڈ کپ کی مشترکہ میزبانی کر رہا ہے تو انفینٹینو کئی بار ٹرمپ کے ساتھ سامنے آ چکے ہیں۔فیفا نے دسمبر میں ٹرمپ کو اپنے افتتاحی امن انعام سے نوازا اور انفینٹینو نے ا±س وقت کہا کہ یہ تمام دنیا میں امن و اتحاد کو فروغ دینے کے لیے امریکی صدر کے ممتاز اور غیر معمولی اقدامات کے اعتراف میں تھا۔

ہندوستھان سماچار

ہندوستان سماچار / Mohammad Khan