نئی دہلی، 20 فروری (ہ س)۔ صدر جمہوریہ دروپدی مرمو اور وزیر اعظم نریندر مودی نے شیلانگ سے لوک سبھا ممبر پارلیمنٹ ڈاکٹر رکی اینڈریو جے سنگکو کے انتقال پر گہرے رنج و غم کا اظہار کیا۔

اپنے تعزیتی پیغام میں صدر جمہوریہ دروپدی مرمو نے کہا کہ ڈاکٹر سنگکو کے انتقال کی خبر بے انتہا دکھ پہنچانے والی ہے۔ انہوں نے میگھالیہ کی ترقی اور عوام کی فلاح و بہبود کے لیے لگن کے ساتھ کام کیا۔ صدر جمہوریہ نے آنجہانی رکن پارلیمنٹ کے اہل خانہ اور حامیوں کے تئیں اپنی گہری تعزیت کا اظہار کیا۔

وزیر اعظم نریندر مودی نے بھی تعزیت کا اظہار کرتے ہوئے کہا کہ ڈاکٹر سنگکون کو میگھالیہ کے لوگوں کے لیے ان کی خدمات کے لیے ہمیشہ یاد رکھا جائے گا۔ انہوں نے اس مشکل وقت میں ان کی ہمدردی ان کے اہل خانہ، دوستوں اور حامیوں کے ساتھ ہے اور ان کی روح کی تسکین کے لئے دعا کی۔

قابل ذکر ہے کہ شیلانگ سے لوک سبھا کے رکن رکی اینڈریو جے سنگکو کا جمعرات کی شام انتقال ہوگیا۔ بتایا جاتا ہے کہ شیلانگ میں ایک دوستانہ فٹسل سیشن کے دوران کھیلتے ہوئے وہ اچانک بیہوش ہوکر گر پڑے ۔

ہندوستان سماچار / محمد شہزاد