وزیر اعظم نے میزورم اور اروناچل پردیش کے یوم تاسیس پر نیک خواہشات پیش کیں

نئی دہلی، 20 فروری (ہ س)۔ وزیر اعظم نریندر مودی نے میزورم اور اروناچل پردیش کے یوم تاسیس کے موقع پر دونوں ریاستوں کے لوگوں کو نیک خواہشات پیش کیں۔ انہوں نے جمعہ کو سوشل میڈیا پلیٹ فارم ’’ایکس‘‘ پر پوسٹ شیئر کر کے دونوں ریاستوں کے ثقافتی ورثے، قدرتی حسن اور شہریوں کے کردار کی ستائش کی۔

اپنے پیغام میں وزیر اعظم نے میزورم کے لوگوں کو مبارکباد دیتے ہوئے کہا کہ میزورم اپنے حیرت انگیز قدرتی حسن اور شاندار ثقافتی روایات کے لیے وسیع پیمانے پر جانا جاتا ہے۔ یہاں کا مضبوط سماجی جذبہ اور شائستہ لوگ رحم اور ہمدردی جیسی اقدار کی علامت ہیں۔ انہوں نے کہا کہ میزو وراثت، جو روایات، موسیقی اور روزمرہ کی زندگی کے مختلف پہلووں میں نظر آتا ہے، انتہائی متاثر کن ہے۔

وزیر اعظم نے خواہش ظاہر کی کہ میزورم ترقی کی راہ پر مسلسل آگے بڑھے اور آنے والے سالوں میں نئی کامیابیاں حاصل کرے۔ اس کے ساتھ ہی وزیر اعظم نے اروناچل پردیش کے یوم تاسیس پر ریاست کے باشندوں کو نیک خواہشات پیش کیں۔ انہوں نے کہا کہ شاندار قدرتی مناظر اور بے مثال ثقافتی تنوع سے مالا مال اروناچل پردیش روایت اور فطرت کی ہم آہنگی کی بہترین مثال ہے۔

ریاست کے توانا اور محنتی شہری قوم کی ترقی کو مضبوط کرنے میں اہم کردار ادا کر رہے ہیں۔ انہوں نے یہ بھی کہا کہ ریاست کی متنوع قبائلی ثقافت ملک کو اور زیادہ خوشحال بناتی ہے۔ وزیر اعظم نے امید ظاہر کی کہ اروناچل پردیش آنے والے وقت میں ترقی کی نئی بلندیوں کو چھوئے گا اور ملک کی ترقی میں مسلسل اپنا کردار ادا کرتا رہے گا۔

ہندوستھان سماچار

--------------

ہندوستان سماچار / انظر حسن