نئی دہلی، 20 فروری (ہ س)۔

ہندوستان امریکہ کی زیر قیادت اسٹریٹجک اتحاد پیکس سلیکا' میں شامل ہو گیا ہے۔ معاہدے کا مقصد اہم معدنیات اور مصنوعی ذہانت کے لیے ایک مضبوط سپلائی چین بنانا ہے۔ اس معاہدے پر نئی دہلی میں منعقدہ انڈیا اے آئی امپیکٹ سمٹ کے دوران دستخط کیے گئے۔ اس کا مقصد سیمی کنڈکٹر اور ٹیکنالوجی کے تعاون کو مضبوط بنانا ہے۔

اس معاہدے پر بھارت منڈپم میں مرکزی وزیر اشونی ویشنو اور امریکی انڈر سکریٹری برائے اقتصادی امور جیکب ہیلبرگ کی موجودگی میں منعقدہ سمٹ میں ایک تقریب کے دوران دستخط کیے گئے۔

امریکی انڈر سیکرٹری برائے اقتصادی امور جیکب ہیلبرگ نے کہا کہ پیکس سلیکا ایک اعلان ہے کہ مستقبل تخلیق کرنے والوں کا ہے اور جب آزاد معاشرے اکٹھے ہوتے ہیں تو نئے امکانات ابھرتے ہیں۔

مرکزی وزیر اشونی ویشنو نے کہا کہ پیکس سلیکا معاہدہ سیمی کنڈکٹر سپلائی چین، مینوفیکچرنگ اور چپ ڈیزائن کے لیے اہم ہے۔ اس سے ملک میں ایک مکمل سیمی کنڈکٹر ماحولیاتی نظام قائم کرنے میں مدد ملے گی۔

ہندوستھان سماچار

ہندوستان سماچار / عطاءاللہ