سبز نشان پر کھلا شیئر بازار، سینسیکس 149 پوائنٹس اچھلا

نئی دہلی، 19 فروری (ہ س)۔ ہفتے کے چوتھے کاروباری دن جمعرات کو شیئر بازار سبز نشان میں تیزی کے ساتھ کھلا۔ ابتدائی کاروبار میں بامبے اسٹاک ایکسچینج (بی ایس ای) کا سینسیکس 147.46 پوائنٹس یعنی 0.18 فیصد کی چھلانگ لگا کر 83,881.17 کی سطح پر کاروبار کر رہا ہے۔ اسی طرح نیشنل اسٹاک ایکسچینج (این ایس ای) کا نفٹی 50.55 پوائنٹس یعنی 0.20 فیصد بڑھ کر 25,869.90 کی سطح پر کاروبار کر رہا ہے۔

شیئر بازار میں ابتدائی کاروبار کے دوران اے آئی سمٹ کے اثر سے آئی ٹی سیکٹر آج سب سے زیادہ سبقت بنانے والا سیکٹر رہا، جس میں 1 فیصد کی تیزی نظر آئی ہے۔ اس کے علاوہ میٹل شیئروں میں بھی 0.60 فیصد کی مضبوطی نظر آئی ہے۔ وہیں، بینکنگ سیکٹر میں تھوڑا دباو نظر آیا اور نفٹی پرائیویٹ بینک 0.15 فیصد کی گراوٹ کے ساتھ ٹاپ لوزر رہا۔

قابل ذکر ہے کہ ایک دن پہلے بدھ کو بی ایس ای کا سینسیکس 283.29 پوائنٹس یعنی 0.34 فیصد کی چھلانگ لگا کر 83,734.25 پر بند ہوا تھا۔ وہیں، نیشنل اسٹاک ایکسچینج (این ایس ای) کا نفٹی 93.95 پوائنٹس یعنی 0.37 فیصد بڑھ کر 25,819.35 پر بند ہوا تھا۔

ہندوستھان سماچار

---------------

ہندوستان سماچار / انظر حسن