کولکاتا، 19 فروری (ہ س)۔ آئی سی سی ٹی20 ورلڈ کپ 2026 میں ویسٹ انڈیز نے اپنے آخری گروپ میچ میں اٹلی کو 42 رن سے شکست دے کر سپر 8 میں ناقابل شکست رہتے ہوئے جگہ بنائی ۔ ایڈن گارڈنز میں پہلے بلے بازی کرتے ہوئے ویسٹ انڈیز نے 20 اوور میں 165/6 کا چیلنجنگ اسکور کھڑا کیا اور جواب میں اٹلی کو 18 اوورز میں 123 رن پر ڈھیر کردیا۔
تیز گیندباز شمارجوزف نے شاندار گیندبازی کرتے ہوئے چار وکٹیں حاصل کیں جبکہ میتھیو فورڈ نے تین وکٹیں حاصل کیں۔
ہوپ کی کپتانی والی اننگز
ٹاس ہار کر پہلے بلے بازی کرنے میدان پر اتری ویسٹ انڈیز کی شروعات خراب رہی۔ اوپنر برینڈن کنگ اننگز کی ساتویں گیند پر آو¿ٹ ہوئے جب کہ شمرون ہیٹمائر بھی صرف ایک رن بنانے کے بعد پویلین لوٹ گئے۔ پاور پلے کے اختتام پر ٹیم کا اسکور 48/2 تھا۔
اس کے بعد کپتان شائی ہوپ نے ذمہ داری سنبھالی اور روسٹن چیز کے ساتھ 64 رن کی اہم شراکت داری کی۔ چیز 24 رن بنا کر آو¿ٹ ہوئے۔ ہوپ نے صرف 28 گیندوں میں اپنی نصف سنچری مکمل کی اور 46 گیندوں پر شاندار 75 رن بنائے جس میں چھ چوکے اور چار چھکے شامل تھے۔
آخری اوورز میں شیرفین ردرفورڈ (24*، 15 گیند پر) اور میتھیو فورڈ (16 رن، 8 گیندپر) نے 14 گیند میں 28 رن جوڑ کر ٹیم کو 165/6 تک پہنچا دیا۔
اٹلی کی لڑکھڑاتی اننگز
166 کے نشان کے تعاقب میں اٹلی کی شروعات خراب رہی۔ جسٹن موسکا 2 جبکہ انتھونی موسکا 19 (ایک چوکا، دو چھکے) بنا کر آو¿ٹ ہوئے۔ پاور پلے کے اختتام پر ٹیم 37/3 پر جدوجہد کر رہی تھی۔
جے جے سمٹس (24) اور بین منینتی (26) نے تھوڑی دیر تک اننگز کو بچانے کی کوشش کی لیکن وقفے وقفے سے وکٹیں گرتی رہیں۔ گرانٹ اسٹیورٹ نے 12 رن بنائے لیکن ٹیم کوئی قابل ذکر شراکت قائم نہ کر سکی۔
جوزف فورڈ کی خطرناک گیندبازی
شمار جوزف نے اپنے چار اوورز میں 30 رن دے کر چار وکٹیں لے کر اٹلی کی کمر توڑ دی۔ میتھیو فورڈ نے 3/25 جبکہ گڈاکیش موتی نے دو اور عقیل حسین نے ایک وکٹ حاصل کی۔
اٹلی کی پوری ٹیم 18 اوور میں 123 رن پر ڈھیر ہو گئی اور ویسٹ انڈیز نے 42 رن سے جیت کر سپر 8 میں زبردست انٹری دی۔
مختصر اسکور:
ویسٹ انڈیز 165/6 (20 اوور) - شائی ہوپ 75، روسٹن چیز 24، شیرفین ردرفورڈ 24*؛ کرشن کالوگاماگے 2/24، بین مانینتی 2/37۔
اٹلی 123 آل آو¿ٹ (18 اوورز) – بین مانینتی 26، جے جے سمٹس 24؛ شمر جوزف 4/30، میتھیو فورڈ 3/25، گڈاکیش موتی 2/24۔
ویسٹ انڈیز 42 رن سے جیت گیا۔
ہندوستھان سماچار
ہندوستان سماچار / محمد شہزاد
