ممبئی، 19 فروری (ہ س)۔ گزشتہ سیزن میں شاندار کارکردگی کا مظاہرہ کرتے ہوئے فائنل تک پہنچی پنجاب کنگز کی فرنچائزی اب نئے جوش اور جذبے کے ساتھ انڈین پریمیئر لیگ 2026 میں اترنے جا رہی ہے۔ ٹیم نے عالمی سیکورٹی اور نگرانی کے برانڈ سی پی پلس کے ساتھ اسٹریٹجک شراکت داری کا اعلان کیا ہے۔ اس معاہدے کے تحت، سی پی پلس آئی پی ایل 2026 کے لیے پنجاب کنگز کا ٹائٹل اسپانسر بن جائے گا، جس سے ٹیم کے برانڈ کی شناخت اور تجارتیدائرہ اور مضبوط ہوگا۔
اعتماد، حفاظت اور ٹیکنالوجی کی بڑھتی ہوئی اہمیت کے دور میں یہ شراکت داری ہندوستانی صارفین کی بدلتی ہوئی توقعات کی عکاسی کرتی ہے ۔ دونوں برانڈز کارکردگی، اعتماد اوراختراع کی اقدار کے ساتھ منسلک ہیں اور ملک بھر کے سامعین کے ساتھ گہرا تعلق رکھتے ہیں۔
سی پی پلس ویڈیو نگرانی ، بائیو میٹرک ایکسیس کنٹرول، ہوم آٹومیشن اور انٹرپرائز سیکورٹی سسٹم سمیت جدید حل کی ایک وسیع رینج پیش کرتا ہے۔ اختراع اور سلامتی کے عزم کے ساتھ یہ برانڈ گھروں، کاروباروں اور عوامی بنیادی ڈھانچے میں محفوظ ماحول پیدا کرنے کے لیے جانا جاتا ہے۔
اس شراکت داری کے تحت، پنجاب کنگز اور سی پی پلس پورے سیزن میں ڈیجیٹل مہمات،میدان پر خصوصی سرگرمیوں اور مداحوں پر مرکوز اقدامات کا آغاز کریں گے۔ اس کے ساتھ ہی اسٹیڈیم اور ڈیجیٹل پلیٹ فارم پر ٹیکنالوجی سے چلنے والے انضمام کے ذریعے میچ کے تجربے کو مزید پرکشش اور انٹریکٹو بنانے کا منصوبہ ہے۔
سی پی پلس کے منیجنگ ڈائریکٹر آدتیہ کھیمکا نے کہا کہ کرکٹ ملک کو جوڑنے والا کھیل ہے اور پنجاب کنگز کے ساتھ یہ شراکت داری ان کے لیے خاص اہمیت رکھتی ہے۔ انہوں نے مزید کہا کہ اعلی کارکردگی والے کھیل اور ان کی کمپنی کے کام کی اخلاقیات میں نظم و ضبط، درستگی اور دباو¿ میں مسلسل بہتر کارکردگی جیسی مماثلت ہیں ۔
پنجاب کنگز کے چیف ایگزیکٹو آفیسر ستیش مینن نے شراکت داری پر خوشی کا اظہار کرتے ہوئے کہا کہ یہ مشترکہ وژن پر مبنی ہے اور دونوں برانڈز کے لیے قدر پیدا کرے گی۔ چیف کمرشیل آفیسر سوربھ اروڑہ نے مزید کہا کہ سی پی پلس ایک قابل اعتماد برانڈ ہے جو قدرتی طور پر آئی پی ایل کے ناظرین سے جڑتا ہے۔
قابل غور ہے کہ پنجاب کنگز نے 16 دسمبر کو منعقدہ آئی پی ایل 2026 کی نیلامی میں 25 رکنی ٹیم کو حتمی شکل دی جس میں چار نئے کھلاڑیوں کو شامل کیا گیا ہے ۔مضبوط کور اور نئے جوش کے ساتھ ٹیم آئندہ سیشن میں ایک بار پھر اچھی کارکردگی کا مظاہرہ کرنے کی تیاری میں ہے۔
ہندوستھان سماچار
ہندوستان سماچار / محمد شہزاد
