ٹرمپ کی صدارت میں امن کمیٹی کی میٹنگ آج، غزہ کی بازآبادکاری پر 20 رکن ممالک کریں گے تبادلہ خیال

واشنگٹن، 19 فروری (ہ س)۔ امریکہ کے صدر ڈونالڈ ٹرمپ کی صدارت میں جمعرات کو جنگ زدہ غزہ کی بازآبادکاری کے لیے تشکیل دی گئی امن کمیٹی کی میٹنگ ہوگی۔ واشنگٹن واقع یو ایس انسٹی ٹیوٹ آف پیس میں ہونے والی غزہ امن کمیٹی کی میٹنگ میں پاکستان، مصر، اردن، انڈونیشیا، قطر، سعودی عرب، ترکیہ اور متحدہ عرب امارات سمیت 20 رکن ممالک کے نمائندے حصہ لیں گے۔ کمیٹی کے رکن ممالک کے ذریعے غزہ کی تعمیر نو کے لیے 5 ارب ڈالر تک کا تعاون دینے کی امید ہے، جس کا اعلان میٹنگ کے دوران کیا جائے گا۔

قابل ذکر ہے کہ اسرائیل-حماس جنگ بندی کے بعد امریکی صدر ٹرمپ نے جنوری میں داووس میں امن بورڈ کی تشکیل کی تھی۔ شروعات میں اس بورڈ کی تشکیل کا مقصد غزہ میں جنگ کے بعد کی صورتحال پر نگرانی رکھنے کے لیے بنایا گیا تھا لیکن جلد ہی اس کا دائرہ بڑھاتے ہوئے اس میں عالمی امن کا مقصد شامل کیا گیا۔ خاص بات یہ ہے کہ اس بورڈ میں امریکی صدر کو غیر معینہ مدت کے لیے صدر برقرار رہنے کی منظوری دی گئی ہے۔

ہندوستھان سماچار

---------------

ہندوستان سماچار / انظر حسن