نئی دہلی، 18 فروری (ہ س):۔

جاپانی آٹوموبائل مینوفیکچرر نسان موٹر انڈیا پرائیویٹ لمیٹڈ (این ایم آئی پی ایل) نے منگل کو ہندوستان میں اپنی نئی کار گریوائٹ لانچ کی۔ اس کی ابتدائی قیمت 5.65 لاکھ سے 8.49 لاکھ (ایکس شو روم) ہے۔

نسان موٹر انڈیا کے منیجنگ ڈائریکٹر سوربھ وتس نے کہا کہ آل نیو نسان گریوائٹ ہندوستانی خاندانوں کے تنوع، استعداد اور خواہشات سے متاثر ہے۔ کمپنی 2026 میں برانڈ کو بحال کرنے کے لیے کئی نئی گاڑیاں لانچ کرنے اور فروخت کے بنیادی ڈھانچے کو مضبوط کرنے کی تیاری کر رہی ہے۔ فی الحال، کمپنی ملک میں صرف ایک ماڈل، میگنائٹ فروخت کرتی ہے۔ سوربھ و تس نے بتایا کہ کمپنی نے اپنا دوسرا ماڈل، سات نشستوں والا گریوایٹ متعارف کرایا ہے۔ گریوائٹ کی قیمت 5.65 لاکھ اور 8.49 لاکھ (ایکس شو روم) کے درمیان ہے۔ انہوں نے مزید کہا کہ تقریباً 12 ماہ کے اندر ہم تین نئی گاڑیاں متعارف کرائیں گے۔ لہذا، یہ بحالی کا سال ہو گا، بنیادی طور پر اسپورٹ یوٹیلیٹی گاڑیوں کی پروڈکٹ لائن پر مرکوز ہے۔

وتس نے کہا کہ میگنائٹ ملک میں کمپنی کے پروڈکٹ پورٹ فولیو میں کلیدی کردار ادا کرتا رہے گا۔ انہوں نے کہا کہ کمپنی مالی سال 2025-26 کے اختتام تک سیلز آو¿ٹ لیٹس کی تعداد کو 250 تک بڑھانے کا ارادہ رکھتی ہے۔ فی الحال، کمپنی کے ملک بھر میں تقریباً 160 ڈیلر ہیں۔ وتس نے کہا کہ برآمدات مستقبل میں ہمارے بنیادی اور مضبوط ستونوں میں سے ایک رہیں گی۔ہم مالی سال 2026-27 میں ہندوستان سے 100,000 یونٹ کی برآمدات کو عبور کریں گے۔ انہوں نے مزید کہا کہ گریوائٹ کے علاوہ، کمپنی اس سال کے آخر میں ٹیکٹن اسپورٹ یوٹیلیٹی وہیکل اور سات سیٹوں والی درمیانی رینج والی اسپورٹ یوٹیلیٹی گاڑی بھی متعارف کرانے کا ارادہ رکھتی ہے۔

ہندوستھان سماچار

ہندوستان سماچار / عطاءاللہ