نئی دہلی، 18 فروری (ہ س)۔

وزیر اعظم نریندر مودی نے انڈیا اے آئی امپیکٹ سمٹ کے موقع پر بدھ کو سربیا کے صدر الیگزینڈر ووسک کے ساتھ دو طرفہ بات چیت کی۔ دونوں رہنماوں نے ہندوستان اور سربیا کے درمیان تعلقات کو مزید مضبوط بنانے پر زور دیا۔ وزارت خارجہ کے ترجمان رندھیر جیسوال نے ایکس پوسٹ کے ساتھ اس دو طرفہ بات چیت کی تفصیلات شیئر کیں۔ انہوں نے کہا کہ وزیر اعظم مودی نے سربیا کے صدر الیگزینڈر ووچک کے ساتھ دو طرفہ بات چیت کی، جو یہاں انڈیااے آئی امپیکٹ سمٹ میں شرکت کے لیے آئے ہوئے تھے ۔

انہوں نے کہا کہ وزیر اعظم مودی اور صدر الیگزینڈر ووسک نے تجارت اور سرمایہ کاری، مصنوعی ذہانت (اے آئی)، مالیاتی ٹیکنالوجی، تعلیم، زراعت، سیاحت اور عوام سے عوام کے تعلقات کے شعبوں میں دو طرفہ تعاون کو گہرا کرنے پر تبادلہ خیال کیا۔ دونوں رہنماوں نے باہمی دلچسپی کے علاقائی اور عالمی امور پر بھی تبادلہ خیال کیا۔

انہوں نے کہا کہ ہندوستان اور سربیا کے درمیان دیرینہ دوطرفہ تعلقات ہیں جو لوگوں کے درمیان قریبی تعلقات پر استوار ہیں۔ دونوں رہنماوں نے ان تعلقات کو مزید مضبوط بنانے پر تفصیلی بات چیت کی۔

قابل ذکر ہے کہ سربیا کے صدر اے آئی امپیکٹ سمٹ میں شرکت کے لیے منگل کو نئی دہلی پہنچے تھے۔ 16 فروری کو یہاں شروع ہونے والی چوٹی کانفرنس دنیا میں اپنی نوعیت کی چوتھی کانفرنس ہے۔ اسے ایک اہم عالمی پلیٹ فارم کے طور پر دیکھا جا رہا ہے جس کا مقصد جامع اور موثر اے آئی کے مستقبل کو تشکیل دینا ہے۔ یہ پروگرام تین اہم ستونوں پیپل،پلینیٹ، اور پروگریس کی بنیاد پر چل رہا ہے۔ اب تک تین عالمی اے آئی سربراہی اجلاس منعقد ہو چکے ہیں۔ اس سمٹ کا آغاز 2023 میں بلیچلے پارک، یو کے میں اے آئی سیفٹی سمٹ سے ہوا۔ اس کے بعد 2024 میں جنوبی کوریا میں اے آئی سیول سمٹ اور 2025 میں فرانس کے شہر پیرس میں اے آئی امپلیمینٹیشن سمٹ منعقد ہوئی۔

ہندوستھان سماچار

ہندوستان سماچار / عطاءاللہ